Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Plas sherri, mbledhja shoqërohet me debat dhe tensione/ Dy zyrtarët që u zunë me grushte në prani të deputetëve, sekretari i Këshillit Bashkiak dhunoi kreun e PS për vendin e punës

Postuar: 10/10/2019 - 15:00

Luan Zaza, i cili prej gati 4 vitesh mban postin e kryetarit të Partisë Socialiste për Durrësin, është goditur me grushte nga Sekretari i Këshillit Bashkiak, Armand Tragaj. Shkak për konfliktin mes tyre është bërë propozimi i paraqitur nga Zaza në mbledhjen e fundit të Këshillit të Bashkisë Durrës.
 
Dy javë më parë, ndërsa Këshilli ishte mbledhur për të diskutuar mbi dëmet e shkaktuara nga tërmeti, kreu i degës së PS-së ka kërkuar shkarkimin e Tragajt. Kërkesa nuk ka kaluar në votim, për shkak të mungesës së disa anëtarëve të Këshillit, duke bërë që të mos plotësohej kuorumi i nevojshëm prej 26 anëtarësh. Vendimi është shtyrë për mbledhjen e ardhshme, e cila pritet të mbahet këtë fundjavë. Armand Tragaj, i angazhuar me Lëvizjen Socialiste për Integrim kohë më parë, mban këtë post që prej vitit 2016, duke u emëruar nga marrëveshja PS-LSI.
 
Mbledhja e këshillit është shoqëruar me debat dhe tension, pasi Tragaj ka lëshuar akuza ndaj kreut të PS-së në Durrës. Por, situata është tensionuar më tej kur Tragaj dhe Zaza janë përballur në lokalin “Center”, pranë Bashkisë Durrës. Ndërsa Zaza ndodhej i shoqëruar me dy deputetë të Partisë Socialiste për Qarkun e Durrësit, Ilir Ndraxhi dhe Roland Xhelili, Tragaj ka nisur të debatojë me të lidhur me kërkesën për shkarkim dhe në një moment e ka goditur me grushte.
 
Është dashur ndërhyrja e dy deputetëve të PSsë që situata të mos përshkallëzohej më tej. Sherri konfirmohet nga dëshmitarët okularë, të cilët kanë qenë të pranishëm në momentin e kur Tragaj sulmoi Zazajn.
 
I kontaktuar nga “Panorama”, vetë 32-vjeçari Tragaj shprehet se ka qenë në dijeni për ngulmimin e kreut të degës së PS-së për ta larguar nga pozicioni që mban në Këshillin e Bashkisë Durrës.
 
“E di që Luani po ngulmon për të më hequr. Jam gati për të ikur dhe jam përgatitur dhe moralisht”, shprehet ai.
 
Ndërkohë, vetë kreu i degës së PS-së nuk ka bërë ende asnjë reagim lidhur me incidentin, gjithashtu nuk ka bërë as denoncim në Polici. E gjithë kjo situatë vjen në një kohë kur kanë mbetur dhe katër muaj nga zgjedhjet për kryetarin e ri të PS-së për degën e Durrësit.
 
DJALIN NË PORT DHE BASHKI
 
Luan Zaza, para se të zgjidhej kryetar i PS-së, ka mbajtur postin e drejtorit të Pastrim Gjelbërimit në Bashkinë Durrës. Ndërkohë, në një raport të paraqitur për Asamblenë Kombëtare të PS, 55-vjeçari rezulton mes kryetarëve të degëve që nuk ka rritur numrin e anëtarësimeve të reja, pasi rritja nuk i kalon as 1%.
 
Ndërkohë djali i tij, Jurgen Zaza, 25 vjeç, është anëtar i Këshillit të Bashkisë Durrës. Emri i tij u rendit te 11-të të parët e listës, për shkak të meritës së vetme, sepse është djali i kryetarit. Gjithashtu, i riu rezulton punonjës pranë Portit të Durrësit.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 22/10/2019 - 18:30

Kryeministri Edi Rama ka zhvilluar ditën e sotme një takim me gratë që janë anëtare këshilli nëpër bashkitë e Shqipërisë.

Postuar: 22/10/2019 - 18:27

Demokrati Aldo Bumçi tha se vendi është në reanimacion dhe kërkohet një ndërhyrje urgjente sipas

Postuar: 22/10/2019 - 18:16

Kryeministri i vendit Edi Rama deklaroi se gratë deputete bëjnë një punë voluminoze, në parlament

Postuar: 22/10/2019 - 18:10

Muaj tetor në të gjithë botën është muaji i ndërgjegjësimit për Kancerin e Gjirit.Kryeministri ka

Postuar: 22/10/2019 - 17:58

Liderët e Bashkimit Europian ripërsërisin kritikat e tyre për mos hapjen e negociatave të anëtarë

Postuar: 22/10/2019 - 17:49

Ish-deputetja e PD, Grida Duma tha se duhet të protestojmë për mos hapjen e negociatave sepse kjo

Postuar: 22/10/2019 - 17:47

Ish-nënkryetarja e Komisionit të Ekonomisë, Jorida Tabaku ka komentuar zhvillimet e fundit politi