Plas sherri në degën e PD-së, kryetari merr vendimin e papritur

Sabah Stafuka  i cili ka qenë pjesë e lëvizjes së rithemelimit, mbështetës i Sali Berishës, ka dhënë dorëheqjen nga të gjitha funksionet drejtuese të PD në Degën Fushë- Krujë, për shkak të debateve me kandidatin për kryetar bashkie të dalë nga primarët. Ky lajm u bë i ditur në emisionin “Reviews”, në Euronews Albania.

“Zoti Safuka është pjesë e rithemelimit, ka pasur debate me kandidatin për kryebashkiak zotin Loka që e kanë detyruar zotin Safuka të japë dorëheqjen”,-tha Alba Alishani në momentin që ky lajm u bë i ditur.

Ndërkohë vetë Sabah Stafuka  ka reaguar me anë të një postimi në rrjetet sociale:

“Të nderuar demokrat të Krujës, Fushë-Krujës, Nikles,Thumanes, Bubqit, Malësise.

Dua të shpreh falenderimin për të gjithë ju që kam bashkëpunuar në kohët më të vështira te drejtimit te PD që nga viti 1991 deri sot dhe kurrë nuk jam tradhtuar dhe kurrë nuk ju kam tradhtuar sepse mes nesh ka pasur vetëm një marrëdhenie-Sinqeriteti dhe Besimi.

Sot dua të ju them se kam dhënë dorëheqjen nga të gjitha funksionet drejtuese të PD në Degën Fushe- Krujë.

Ky ishte vendimi im me i veshtirë që kam marrë në jetë, por kur marrdhenia dhe bashjetesa partiake nuk shkon ne favor te bashkimit dhe qëllimit te fitores, e gjykoj te arsyeshme qe duhet te bej nje hap pas sepse demokratet meritojne me shumë.

I juaji, me respekt Sabah Stafuka!”,-ka shkruar Sabah Stafuka.