“Po kërkon të shpëtojë nga goditja penale me këtë lëvizje”, Spartak Ngjela paralajmëron fundin tragjik të Berishës, bën deklaratën e fortë edhe për Edi Ramën

Avokati i njohur Spartak Ngjela shprehet se ish-kryeministri Sali Berisha po përpiqet që të bëjë këto lëvizjet e fundit dhe debatet në parti për të shpëtuar nga goditja penale, pas shpalljes së tij non-grata nga DASH.

Ngjela tha se Berisha do të përfundojë ‘zë në shkretëtirë’. Mes të tjerash ai deklaroi se gjithë këto padrejtësi ndodhin se s’ka sistem gjyqësor në vend, duke shtuar se punëtorët e fermave janë kthyer në gjyqtarë.

Ngjela: Zë në shkretëtirë do përfundojë Berisha. Nuk bëhet kryetar partie ai. Rama thotë; rrini të përçarë, se unë marr pushtetin. Kush e parçau PD? Ai i zgjedhuri i tij, kryetari i partisë së tij, e nxori nga grupi parlamentare dhe tha; ma kërkoi politika amerikane. Saliu po kërkon që të shpëtojë nga një goditje penale me këtë lëvizjen. Ekonomi tregu do të thotë se; akuza është si gripi. Akuza duhet të shkojë në Gjykatë.

Zheji: Rama e do Saliun se është kontrovers, krijon ngjarje. Ramës i intereson mjegulla te aferat korruptive, siç ishte inceneratori.

Ngjela: Di pse jemi në këtë gjendje, s’ka pushtet gjyqësor. Po të kishte pushtet gjyqësor, s’do kishin mbaruar burgjet akoma. Shqipërinë e shkatërroi mungesa e pushtetit gjyqësor, kush e ndërtoi? Këta Gjyqtarët janë injorant. Mori gjyqtar 6-mujor që ishin punëtor ferme. Nuk i ka hequr akoma ONM-ja. Problemi është se nuk keni pasur pushtet gjyqësor, që të goditet korrupsioni. Po të ishte pushteti gjyqësor, të tipit perëndimor, këta do rrinin si pula që shesin dëngla. Këtë gjendje e solli mungesa e pushtetit gjyqësor.