“Po sikur Partia Socialiste të marrë vulën e PD-së dhe të nxjerrë kandidatët..."/ Avokati i njohur zbardh përçarjet brenda opozitës: Ja kush e sheh Alibeajn si kryetar të PD-së

Avokati Altin Goxhaj thotë se asnjë qytetar nuk e sheh Enkelejd Alibeajn si kryetar të Partisë Demokratike, përveç KAS-it dhe gjykatës.

Në një intervistë për Euronews Albania, Goxha u shpreh se që të jesh kryetar partie, do të thotë që përfaqëson një masë të madhe njerëzish, diçka që Alibeaj nuk e bën.

“Po sikur Partia Socialiste të marrë vulën e PD-së, të nxjerrë kandidatët që do vetë? A quhet që është PD-ja në zgjedhje? Nuk quhet. Gazment Bardhi dhe Enlekejd Aliebaj janë më keq se Partia Socialiste. Cili shqiptar sot mendon që Partia Demokratike ka kryetar Alibeajn? Asnjë, përveç KAS-it dhe gjykatës.

Asnjë shqiptar nuk e sheh Alibeajn si kryetar i PD-së. Pse? Që të jesh kryetar, nuk është një post drejtori. Kryetar do të thotë që ti përfaqëson një masë të tërë njerëzish. Kë përfaqëson Enkelejd Alibeaj, përveç vetes së tij dhe Gazment Bardhit?”, theksoi ai.