BREAKING NEWS

Kryeministri Rama i jep postin e rëndësishëm ish-deputetes Vasilika Hysi

Kryeministri Rama i jep postin e rëndësishëm ish-deputetes
x
BREAKING NEWS

Kryeministri Rama bën ndryshime të rëndësishme në qeveri

Kryeministri Rama bën ndryshime të rëndësishme në
x
BREAKING NEWS

Spartak Ngjela paralajmëron arrestimin e gjyqtarit të njohur, ja çfarë e ka fundosur

Spartak Ngjela paralajmëron arrestimin e gjyqtarit të njohur, ja
x
BREAKING NEWS

Zgjedhjet për kreun e PD-së/ Komisioni hap kutitë e votimit, sa vota morën Berisha dhe Elezi

Zgjedhjet për kreun e PD-së/ Komisioni hap kutitë e votimit, sa
x
BREAKING NEWS

Covid-19 në Shqipëri/ Vjen lajmi i mirë nga Infektivi, boshatiset spitali

Covid-19 në Shqipëri/ Vjen lajmi i mirë nga Infektivi, boshatiset
x
BREAKING NEWS

I mituri plagoset me armë zjarri, niset me helikopter drejt Tiranës

I mituri plagoset me armë zjarri, niset me helikopter drejt Tiranës
x
BREAKING NEWS

“Është e dhimbshme që të hapësh ekranin dhe pas 30 vitesh të shohësh...”/ Deklarata e fortë e Robert Papës: Edi Rama nuk do të e jap këtë të drejtë nëse vërteton që...

“Është e dhimbshme që të hapësh ekranin dhe pas
x
BREAKING NEWS

I quan “siptari” shqiptarët, Konventa e BE-së dënon ashpër gjuhën e ministrit serb: Deklarime të tilla shkelin dinjitetin e institucioneve të republikës, është obligim...

I quan “siptari” shqiptarët, Konventa e BE-së dënon
x

Politike

Prapaskenat si vetingu do burgosë pushtetarët, pas zbulimit të pasurive korruptive nis menjëherë ndjekja penale, 223 politikanë në lupën e SPAK

Prapaskenat si vetingu do burgosë pushtetarët, pas zbulimit të

Nisma e PD për vetingun në politikë, përveç largimit të të korruptuarve do të sjellë edhe arrestimin e tyre. Ndryshe nga vetingu në drejtësi ku gjyqtarët dhe prokurorët e gjetur me pasuri sheikësh lënë detyrën dhe shijojnë paratë, nuk do të ndodhë aspak kështu me politikanët. Në draftin që ka depozituar dje PD në Kuvend theksohet se në momentin që SPAK gjen elemente të veprës penale nis hetimet. “Nëse gjatë procesit të kontrollit të integritetit konstatohen të dhëna që krijojnë dyshimin për kryerjen e një vepre penale nga funksionari publik, SPAK ka detyrimin të nisë procedimin penal menjëherë pas marrjes së vendimit përfundimtar për procesin e kontrollit të integritetit”, thuhet aty. Por përmes këtij përcaktimi, të gjithë ata që do të skualifkohen nga kriteri i pasurisë (nëse vetingu miratohet), do të shkojnë të gjithë për ndjekje penale. Akuza e parë që ngrihet në çdo rast është ajo e mosdeklarimit të pasurisë dhe kjo vepër dënohet deri në 3 vite burg. Por në këtë kuadër mund të ketë pastrim parash, falsifikim dokumentesh, mashtrim, etj. Pra, me Nenin 176/5, të gjithë politikanët që kanë pasuri të dyshimtë rrezikojnë të shkojnë për ndjekje penale. Duket se këtu qëndron dhe kleçka e draftit të PD, pasi nuk kemi të bëjmë vetëm me një pastrim të politikës nga të korruptuarit, por do të ketë dhe ndëshkim të tyre. Gjatë hetimeve mund të dalin dhe vepra të tjera që mund të rëndojnë pozitën e pushtetarëve dhe sinjalet janë se do të kemi “kasaphanë” në politikë nëse miratohet ky draft.

Në skaner 223 emra

Në bazë të propozimit të PD do të jenë 223 politikanë dhe zyrtarë që do të futen në veting, nëse kjo nismë gjen mbështetjen e mazhorancës. Funksionarët publikë që i nënshtrohen procesit të kontrollit të integritetit janë deputeti i Kuvendit të Shqipërisë, Kryeministri dhe ministrat, Presidenti i Republikës, kryetari i bashkisë, Guvernatori i Bankës së Shqipërisë, Kryetari i Kontrollit të Lartë të Shtetit, Avokati i Popullit dhe Drejtori i Shërbimit Informativ të Shtetit. Nga një llogari e thjeshtë rezulton se në Kuvend janë 140 deputetë, kemi 61 kryetarë bashkie, bashkë me kryeministrin janë 17 anëtarë në qeveri, ndërkohë që më pas janë presidenti, guvernatori dhe krerët e SHISH dhe KLSH. Pra janë në total 223 individë që do të futen në skaner. Sipas ligjit, ata që do verifikohen të parët janë anëtarët e komisionit për monitorimin e vetingut. Në Kuvend do ngrihet një komision që do monitorojë procesin dhe anëtarët e tij do skanohen të parët sipas planit të PD.

Roli amerikan

Gazeta e tha një ditë më parë se kjo nismë vjen në një kohë kur Basha ka forcuar raportet me SHBA dhe takoi senatorët republikanë. Dje në një konferencë ai dha sinjale se ka mbështetjen e tyre. “SHBA-të që na kanë qëndruar pranë në momentet më të vështira, nuk do të jenë indiferente por do të përpiqen të na ndihmojnë edhe në këtë sfidë. Ambienti është mbushur me thashathemnaja, e keqperceptime sikur PD është amulli amorfe, ku ça thotë njëri në mëngjes do të bëhet. PD ka rregulla të qarta. PD kurrë nuk ka pasur hapësirën demokratike që gëzon jo vetëm me statut dhe akte konkrete. Është në proces përmirësimi të vazhdueshëm, por s’ka hapësirë për keqkuptime dhe institucione paralele. PD është dhe do të mbetet një dhe 1 e vetme”, tha Basha.

8 kategoritë që do i nënshtrohen vetingut

1.      Deputeti i Kuvendit të Shqipërisë

2.      Kryeministri dhe ministrat

3.      Presidenti i Republikës

4.      Kryetari i bashkisë

5.      Guvernatori i Bankës së Shqipërisë

6.      Kryetari i Kontrollit të Lartë të Shtetit

7.      Avokati i Popullit

8.      Drejtori i Shërbimit Informativ të Shtetit

Më të lexuarat