Presidenti Ilir Meta e shkarkoi parakohe nga detyra, kush është ushtaraku që u prezantua sot nga kryeministri Rama si kandidat për deputet në zgjedhjet e 25 prillit (MESAZHI)

Ditën e sotme u prezantua si një nga kandidatët për deputet të PS, edhe ish-shefi i shtabit të Përgjithshëm Bardhyl Kollçaku.

Kollçaku prezantoi veten, duke përmendur eksperiencat e tij në karrierë ndërsa u premtoi se do t’u gjendet pranë qytetarëve.

“Ajo që dua të ndaj me të gjithë është se vij siç u tha nga një familje e thjeshtë me 9 vëllezër dhe motra me prindër të thjeshtë, babai fermer dhe nëna karrociere. Që në fëmijëri kam mësuar se me punë dhe djersë arrihet gjithçka. Kam shërbyer me detyra të ndryshme brenda dhe jashtë vendit… në mision jashtë vendit.

Karriera ime ushtarake është e ndërtuar dhe me edukimin civil i cili në shumicën e rasteve është bërë individual. Do jetë një garanci që edhe në këtë karrier të re për tu shërbyer dëgjuar të gjitha shtresat, qoftë fermerët, qoftë intelektualët, qoftë ushtarakët, punonjësit e policisë për të gjithë institucionet e mbrojtjes por edhe për qytetarët e Beratit që i njoh mirë. U jap fjalën dhe garancinë e ushtarakut që do jem një nga ata në zemër në shpirt për të realizuar të gjitha projektet”, tha Kollçaku.

Kujtojmë se Kollçaku ka fituar gjyqin me presidentin Ilir Meta dhe ministrinë e Mbrojtjes lidhur me padinë që bëri për shkarkimin e tij nga detyra para kohe.