Presidentit i ri/ “Opozita ka rënë në grackën e Ramës”, Gjekmarkaj: Do tallet me emrat e propozuar si me deputetët gjatë fushatës elektorale

Deputeti Partisë Demokratike, Agron Gjekmarkaj, ka folur mbrëmjen e sotme për procesin e zgjedhjes së Presidentit të ri.

Gjekmarkaj e quan aspak serioze ofertën e kryeministrit Rama që opozita të dalë me propozime për zgjedhjen e kreut të ri të shtetit.

Gjekmarkaj tha se opozita ka rënë në grackën e Ramës, pasi ai mund të marrë listën me propozime dhe t’i tallë figurat, njëjtë siç bëri gjatë fushatës elektorale të vitit të kaluar, ku nxori fotot e deputetëve demokratë.

Agron Gjekmarkaj: Nuk është e lehtë të flasësh duke pasur parasysh realitetin e opozitës. Do ishte mirë që opozita të kishte një kandidat të vetëm.

Situata nuk është ndër me të mirat. Mund të pohoj si dëshmitar i tërhequr, nuk më duket se ka pasur një vullnet tek grupet e opozitës për të shkuar drejt një konsensi.

Grupimet e tjera, Alibeaj është në opozitë të vështirë, i thonë i shitur, është dhe kjo trysni. Zoti Alibeaj mund të kishte treguar më tepër vullnet për të tërhequr ata që janë drejtuar drejt foltores.

Kemi rënë në grackën retorikë të kryeministrit dhe të lojës së tij. Ai thotë sillni emrat dhe fillon e qesh pastaj, ky i ka vesh të gjatë, ky s’më pëlqen se është kaçurrel.

Në fushatë, Kryeministri ka nxjerrë foton time të Markut, ka bërë gallatë, kështu që mund ta bëjë të marrë listën me presidencën dhe ta tallë, ky i ka dhëmbët e prishur, ky… Na ka nxjerrë fotografitë atje, s’kishim ndonjë faj ne se s’ishim të bukur apo jo.