Princi Leka kërkon pronat, padia në gjykatë për kthimin e trojeve që ju sekuestruan Mbretit Zog

Princi Leka kërkon pronat, padia në gjykatë për kthimin e trojeve që ju sekuestruan Mbretit og

Stokut të dosjeve të pronave nuk i ka shpëtuar edhe princ Leka, i cili ka nisur betejën dhe kërkon kompensimin për tokat e gjyshit, Ahmet Zogut. Duke i kujtuar trupës së Apelit se në 2012 gjykata e njohu si trashëgimlënësin e Leka Zogut, princ Leka  këmbëngul shfuqizimin e një vendim i agjencisë së Dibrës për tokat në Mat, aty ku lindi paraardhësi i tij Ahmet Zogu. Familja mbretërore thuhet në padi e princ Leka 2 ka nisur procedurat ligjore për njohjen, kthimin dhe kompensimin e pronave. Ajo ç’ka kërkohet  janë sipërfaqe me toka që aktualisht rezultojnë se i përkasin shtetit në fshatrat Zenisht, Rukaj, Rremull, Urakë dhe në qytetin e Burrelit. Duke skicuar kufijtë për secilën nga parcelat në zonat e mësipërme, paditësi thotë se zyra rajonale e kthimit dhe kompensimit të pronave nuk e ka njohur si subjekt të shpronësuar. Por paditësi Leka Zogu i theksohet  gjykatës më tej është trashëgimtar ligjor i radhës së parë të të ndjerit Leka 1 Zogu dhe Suzanës dhe ndaj njohja dhe kompensimi i tyre duhet ti kalojë gjyqësish 41-vjeçarit. Bëhet fjalë jo vetëm për toka bujqësore por edhe pyje si dhe troje në katër fshatra dhe në qytetin  Burrelit, që i përkasin si njësi administrative Matit. Në 1945 komiteti ekzekutiv urdhëroi konfiskimin e pasurive të Ahmet Zogut të Parë dhe  midis të cilave edhe tokat kaluan në përdorim nga shteti. Më herët princ Leka fitoi në gjykatën e Lartë një tjetër pronë të gjyshit , vilën mbretërore të Shirokës, në Shkodër, thotë “Top Channel”.