Pr/ligji për moskompensimin e pronarëve, Basha: Në kundërshtim me detyrimet e Shqipërisë në KiE

Kreu i Partisë Demokratike, Lulzim Basha, ka deklaruar këtë mbrëmje se projektligji Rama për moskompensimin e pronarëve është një dhunim i hapur dhe i papranueshëm i të drejtave legjitime të pronarëve.

 

Sipas Bashës, kryeministri bie në kundërshtim të hapur me angazhimet dhe detyrimet e Shqipërisë para Këshillit të Evropës.

 

"Projektligji Rama për moskompensimin e pronarëve është një dhunim i hapur dhe i papranueshëm i të drejtave legjitime të pronarëve. Ai bie në kundërshtim të hapur me angazhimet dhe detyrimet e Shqipërisë para Këshillit të Evropës, si dhe është në kundërshtim të plotë me jurispundencën e Gjykatës Evropiane të të Drejtave të Njeriut. Partia Demokratike do ta kundërshtojë deri në fund këtë projektligj. Ne jemi në krah të pronarëve. Së bashku me ta do të reflektojmë për zgjidhjet e drejta për problemet e pazgjidhura me pronat dhe pronarët", është shprehur Kreu i PD.