BREAKING NEWS

Mbi 4 mijë testime! Zbardhen të dhënat, sa raste të reja me COVID u regjistruan në 24 orët e fundit në Shqipëri, zbulohen zonat më 'të nxehta'

Mbi 4 mijë testime! Zbardhen të dhënat, sa raste të reja me
x

Politike

Prokuroria e Përgjithshme përfundon hetimin e kërkuar nga KQZ, kandidati i LSI rezulton i arrestuar më parë (EMRI)

Prokuroria e Përgjithshme përfundon hetimin e kërkuar nga KQZ,

Prokuroria e Përgjithshme ka përfunduar hetimin për dy kandidatët e parë, për të cilët Komisioni Qëndror i Zgjedhjeve kishte kërkuar verifikim te thelluara.

Nga hetimet e njësisë së dekriminalizmit rezulton se Artur Baku i Lëvizjes Socialiste për Integrim dhe Napoleon Laska i Nismës Thurje janë treguar të sinqertë në formularin e vetëdeklarimit. Nga hetimet rezulton që kandidati i Nismës Thurje është i pastër, i pa hetuar dhe pa asnjë dënim te formës së prerë.

Ndërkohë, për kandidatin e LSI Prokuroria konstaton se ai ka ndryshuar emrin nga “Afrim” në “Artur”.

Ai nuk ka vendim të formës së prerë , por konstatohet arrestimi I tij për veprën penale “shpërdorim detyre” në vitin 2015 , si dhe lirimi i tij pasi gjykata i ka caktuar masën “arrest në shtëpie”.

Tashmë i takon Komisionit Qëndror të Zgjedhjeve që në bazë të gjetjeve të Prokurorisë të marrë një vendim përfundimtar. Prokuroria gjithashtu i kërkoi KQZ dokumente shtesë për të nisur verifikime për kandidatin e PSD Serdar Hoxha. Në fund të muajit mars KQZ i kërkoi Prokurorisë verifikime për 28 kandidatë për deputetë në zgjedhjet e 25 Prillit.