“Pronari në hije ‘i biznesit të vdekjes’”/ Gazetari i njohur numëron një më një fakte që implikojnë direkt Shkëlzen Berishën: Çfarë ndodhi dy orë më vonë pasi shpërtheu Gërdeci

Gazetari Adriatik Doçi tha në një intervistë për Euroneës Albania se ka prova dhe dokumente që vërtetojnë që Shkëlzen Berisha jo vetëm ka lidhje me tragjedinë e Gërdecit por pronari në hije i ‘biznesit të vdekjes’ në Gërdec.

Doçi u shpreh se këto dokumente dhe prova që sipas tij janë në procesverbalet e prokurorisë, ngrenë dyshimet se ish-ministri i Mbrojtjes, Fatmir Mediu dhe ai i drejtësisë , Aldo Bumçi ishin ushtarë të Shkëlzen Berishës dhe vepronin për llogari të tij.

“Kur shpërtheu Gërdeci, 2 orë më pas, Mediu i telefonin 4 herë Berishës dhe Mihal Delijorgjit. Para se të nisin procedurat për këtë çështje, Shkëlzen Berisha del dhe hyn në zyrën e Fatmir Mediut dhe kjo është e faktuar, se çfarë kanë biseduar nuk dihet. Por pasi ata takohen, Mediu përgatit një dokumentacion që e çon në qeveri që përcakton edhe kompaninë që duhet të merrej me këtë proces që është Mihal Delijorgji dhe një amerikan që kishte përfaqësues ligjor Rrahman Selmanllari, që është mik i Shkëlqen Berishës. Ministrat Rusmali dhe Bode e kundërshtuan propozimin e Mediut në mbledhjen e 17 shkurtit 2007, madje ka pasur edhe debat mes tyre”, tha Doçi.