Propozimi i Ramës për kreun e SHISH, reagon Kreshnik Çollaku dhe paralajmëron: Provokim i panevojshëm ndaj Kosovës, gjeste të tilla stimulojnë konflikt

Deputeti i Partisë Demokratike, Kreshnik Çollaku ka reaguar në lidhje me propozimin që kryeministri Rama i ka  bërë sot presidentit Bajram Begaj, për emrin e ri për kreun e SHISH.

Përmes një postimi në Facebook, Çollaku thotë se zonja e propozuar për këtë post, më parë ka ushtruar detyrën e drejtoreshës së AKI (Shërbimit të Inteligjencës së Kosovës), por se është shkarkuar nga kjo detyrë nga presidentja Osmani dhe kryeministri Albin Kurti.

Ai e sheh propozimin e Vlora Hysenit, si një provokim ndaj institucioneve të Kosovës që një drejtuese e shkarkuar nga qeveria në detyrë, të propozohet për emërim në po të njejtën fushë në Shqipëri, ndonëse nuk dihen arsyet e shkarkimit.

Provokim i panevojshem ndaj Kosoves. Nga mediat mesova se kryeministri Rama ka propozuar presidentit Begaj znj Vlora Hyseni si kandidate per kreun e SHISH. Eshte hera e pare qe e degjoj emrin e znj Hyseni dhe nuk kam asnje njohje per cilesine dhe aftesine e saj ne krye te kesaj detyre.

Cfare me ben pershtypje eshte fakti se znj Hyseni ka mbajtur per nje periudhe kohe pozicionin e nen drejtores se AKI (sherbimit inteligjent Kosove) dhe eshte shkarkuar nga aty nga Presidentja Vjosa Osmani dhe kryeministri Albin Kurti.Nuk njoh asnje nga arsyet e ketij shkarkimi,por me duket e pazakonte qe nje zyrtar te shkarkuar nga insititucionet e Kosoves (ne fushen e inteligjences) te emrohet po ne kete fushe nga Shqiperia.

Marredheniet midis Shqiperise e Kosoves jane vellazerore e duhet te shkojne drejt funksionimit te perbashket.Ky rast me duket nje provokim i panevojshem nga Shqiperia karshi institucioneve te Kosoves. Eshte jashte cdo aryese qe kjo te ndodhe.

Midis institucioneve te dy vendeve tona duhet sa me shume bashkepunim e bashkerendim,ndersa gjeste te tilla stimulojne konflikt te panevojshem dhe te demshem.
Une nuk e kuptoj kete sjellje te kryeminsitrit por mbetem me shprese se Presidenti Begaj nuk do te lejoje krijimin e nje klime te panevojshme e te demshme provokimi,mosbesimi e mosbashkepunimi midis institucioneve te Republikes se Kosoves dhe te Republikes se Shqiperise.