Protesta e 6 dhjetorit, deputeti i PD-së bën paralajmërimin e fortë: Nuk do të marrim parasysh vijat e kuqe të vendosura nga policia

Deputeti i PD Edmond Spaho, nga Korça theksoi se protesta e 6 dhjetorit do të zhvillohet përballë kryeministrisë pasi problemi është me mazhorancën.

Ai tha  se nuk do të respektojnë vijat e kuqe  të vendosura nga policia ditën e djeshme.

Më tej ai është shprehur kritik ndaj qeverisë, duke thënë se kjo e fundit nuk ka në konsideratë asnjë interes të qytetarëve.

“Ne e kemi thënë në Bulevardin “Dëshmorët e Kombit” tek kryeministria ne problemet i kemi me maxhorancën kështu që është krejt normale që protesta të zhvillohet para godinës ku qeveria ushtron aktivitetin me të cilin qytetarët janë krejtësisht të pakënaqur.

Këto janë vija të kuqe të vendosura nga policia e një policie arrogante. E cila në veprimtarinë e saj nuk ka në konsideratë  asnjë interes të qytetarëve, një qeveri që vjedh zgjedhjet, një qeveri që ka kapur sistemin e drejtësisë, një qeveri që ka kapur median dhe që është e korruptuar nga koka tek këmbët, që nuk hap vende pune, nuk rrit paga dhe pensione, një qeveri që të detyron të ikësh në emigracion si në vitet 90. Kështu që të marrësh në konsideratë vijat e kuqe të saj do të thotë ta shtysh Shqipërinë në greminë dhe është detyra jonë ti kundërvihemi kësaj qeverie”- tha ai.