Protesta për tragjedinë në Himarë bën bashkë për herë të parë në publik Berishën e Metën, paralajmërohen zhvillime të forta në politikën shqiptare

Sali Berisha dhe Ilir Meta janë më të bashkuar se kurrë sot edhe pse ata kanë qenë bashkë vazhdimisht që pas vitit 2009. Këtë e di sot i madh e i vogël në Shqipëri dhe përtej deteve e oqeanit. Ditën e djeshme u konfirmua gjithçka, pasi dy politikanët Sali Berisha dhe Ilir Meta janë bërë bashkë në protestën qytetare në shenjë reagimi për tragjedinë e ndodhur tre ditë më parë në Himarë, ku u vra me skaf nga një polic, një vajzë vetëm 7-vjeçare. Pjesë e protestës ishte edhe opozita, mbështetësit e Sali Berishës dhe Partia e Lirisë. Pjesëmarrja e Berishës dhe Metës në protestën e djeshme tregon se të tjera zhvillime të forta priten në shtator. Meta dhe Berisha janë takuar me qytetarët dhe më pas të dy janë vendosur në të njëjtin vend, përballë Kryeministrisë. Meta tha se ndryshe nga herët e tjera kemi një popull që është zgjuar dhe po reagon fort, të t’i rikthyer dinjitetin Shqipërisë. “Nuk na duhen 3 dorëheqje, mjafton vetëm një. Këtu kemi të bëjmë me një bandë, kjo është e qartë. Nuk mjaftojnë të gjitha rastet, por mjafton vrasja e të riut Rasha, se si u vra një fëmijë që shkoi të blejë një paketë, se si u fabrikua nga shteti për të nxjerrë djalin si vrasës. Për ngjarjen e sotme ne akoma nuk kemi një hetim, kuptojmë që këtu nuk kemi një shtet por një bandë. Por tani kemi një popull që është rizgjuar”, tha presidenti. Ndërsa Berisha u shpreh se i vetmi njeri që ka politizuar situatën është kryeministri Rama, dhe shtoi se PD mbështet protestën e qytetarëve. Kjo është një protestë e qytetarëve jo e PD. Vetëm se në rast se kujtoj në Kuvend është deklaruar se merr fund koha kur qytetarët mbeten pa mbështetjen e PD në protestë. Kjo është një protestë qytetarë, kur i paralajmërojmë i paralajmërojmë si 7 korriku. Jam apo jo në shesh është gjë tjetër por PD mbështet plotësisht protestë, tha ai.