Pse Rama hesht për lidhjen me McGonigal? Kreshnik Spahiu “zbërthen” kryeministrin

Juristi Kreshnik Spahiu tha në një intervistë për Euronews Albania se heshtja e kryeministrit Edi Rama lidhur me çështjet McGonigal është ajo e një të pandehuri.

Sipas Spahiut, Rama hesht sepse e di se nëse jep më detaje se çdo deklaratë e tij mund ta komplikojë pozitën e tij.

Duke deklaruar se e ka mik ish-agjentin e FBI, Rama sipas Spahiut, i çon një mesazh diplomatik SHBA se ai është antirus dhe proamerikan.

“Çështja e Ramës është që në veprimet e tij ka shkelur ligjin, por nuk ka cenuar marrëdhënien me SHBA, se i ka kryer një favor SHBA duke përzënë rusin nga tenderi. Ai thotë diplomatikisht janë në rregull se i bëra një favor amerikanëve. Ai do të lëshojë mesazhin që është antirus dhe proamerikan. Mendoj që Rama në momentin e që e ka njohur ish-zyrtarin ky ka qenë në detyrë dhe financiarisht përfitoi ish-shefi i FBI jo Rama në akuzën e SHBA. Rama e ka përdorur për klering politik për të përçarë opozitën”, tha Spahiu.