“Pusho se ti je i pari kalë karroce”/ Pas toneve të forta të Spiropalit, deputetët e PD marrin vendimin e papritur, reagon Ahmetaj: Jeni sharë nga të gjitha anët, bëni kot

Deputetët e Partisë Demokratike janë larguar nga seanca plenare. Ata u larguan në shenjë proteste pas ofendimeve të thëna nga ministrja Elisa Spiropali. Deputetët pretenduan se ministrja iu drejtua me termat lukuni e kope.

Ndërsa ministri Arben Ahmetaj i cili ishte duke mbajtur fjalën e tij në Kuvend, tha se në seancë janë sharë nga të gjitha anët e nuk kanë vepruar në këtë mënyrë. 

Gjithashtu gjatë fjalës në Parlament, Spiropali me tone të forta iu drejtua deputetit të PD-së, Luçiano Boçit: Pusho, pusho ti se ti je i pari kalë karroce. A nuk është turp zotëri? Një tufë burrash që bërtasin nga vendi. Ul zërin, abuzoni këtu me të drejtën për interpelanca. Nëse bashkëshorti i ministres do na hidhte në gjyq ty dhe mua bashkë, do ta fitonte këtë gjyq.

Zv/kryeministri Arben Ahmetaj u shpreh se në Parament janë sharë me njëri-tjetrin nga të gjitha anët ndaj opozita s’duhet të mërzitet për fjalën “lukuni”, ndërsa kërkoi që kryetarja e Kuvendit të merrte masa nëse Spaho do vazhdonte të fliste nga vendi.

“Këtu janë thënë çudira dhe nuk jemi ngritur ndonjëherë, tha lukuni, se ka fjalën fare për ju. Qetësohuni që të vazhdojë pjesa tjetër, këtu çfarë nuk është thënë, jemi sharë me njëri-tjetrin nga të gjitha anët, tani u mërzitët për lukuni. Kot tani, ju lutem kryetare nëse vazhdon të flasë nga vendi merrni masë”, tha Ahmetaj.

Në këtë moment, disa prej deputetëve demokratë u larguan nga salla e Kuvendit.