Rama e mbajti sekret, kush është shteti që i dha Shqipërisë vaksinat e para anti-COVID? Ja çfarë thotë Alfred Peza

Sa i përket vendimit të qeverisë për të mos e bërë publik emrin e vendit që ndihmoi Shqipërinë me 975 dozat e para të vaksinës kundër koronavirusit, ish-deputeti i PS-së, Alfred Peza tha se ishte zgjedhja e vendit të BE-së që kjo dhuratë të mos shndërrohet në një çështje politike brenda shtetit të vetë.

“Është e rëndësishme për shtetin që na i ka dhënë. Ata kanë kërkuar që kjo mos të tregohet. Ne jemi në momentin e parë të një procesi, ku të gjithë kombet janë në garën e shpejtësisë, kush ta fillojë më shpejt. Ai vend i BE që ia dha Shqipërisë nuk dëshiron që kjo dhuratë bujare të shndërrohet në një çështje politike brenda vendit të vetë, dhe nga mirësia të kalojë në një problematikë tjetër. Është shumë e thjeshtë.”