Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Rama i përgjigjet Metës: Falë vetingut Kushtetuesja sot është djep bosh pa shejtanin brenda, gjykata nuk të ndalon të mbrosh datën e zgjedhjeve

Postuar: 23/05/2019 - 07:41

Kryeministri Edi Rama u është përgjigjur dje akuzave të presidentit Ilir Meta. Teksa ky i fundit sulmoi hapur reformën në drejtësi, ndërkombëtarët dhe qeverinë, kryeministri ka reaguar në rrjetet sociale, duke goditur presidentin përmes ironisë. Duke u ndalur te shkrirja e Kushtetueses, Ram ka ritheksuar dhe një herë se djepi është më mirë të rrijë bosh, sesa me shejtanin brenda. “A e pengon mungesa e Gjykatës Kushtetuese Presidentin e Republikës të mbrojë datën e zgjedhjeve që sipas Kushtetutës ai e ka dekretuar? Falë Vetingut GJK është sot një djep bosh pa shejtanin brenda! Kjo është më shumë se gjysma e një pune të madhe që kërkon durimin e kohën e saj”, tha ai. Por më tej ai është ndalur dhe te kritikat e Metës për krizën politike, duke i kujtuar atij se nuk ka thënë gjysmë fjale për kërcënimet e PD dhe LSI se do të bllokojnë qendrat e votimit më 30 qershor. “Pa diskutim presidenti ka të drejtë kur thotë djegia e mandateve është e papranueshme po dhe më i papranueshëm është përbetimi për të djegur zgjedhjet! S’e dimë opinionin e presidentit për këtë dhe bashkë me kritikat e tij,mezi e presim apelin e vonuar në mbrojtje të 30 qershorit”, deklaroi Rama. Marrëdhëniet mes kryeministrit dhe presidentit janë tensionuar ndjeshëm kohët e fundit. Pas refuzimit që Meta i bëri fillimisht Sandër Lleshajt për të zëvendësuar Fatmir Xhafajn, diçka u thye. Refuzimi më pas i Gent Cakajt e tregoi qartë diçka të tillë. Më pas Meta doli hapur kundër qeverisë, duke sulmuar edhe për gjëra koti, ndërsa nisi të kthejë ligje dhe të refuzojë shkarkime, siç ishte rasti i Mynyr Konit së fundmi. Por së fundmi presidenti po tregon se është palë me qeverinë. Meta dyshohet se është arkitekti i situatës ku jemi, pasi në vend që të nxisë palët të ulin tonet, i shtyn drejt përplasjes. Presidenti ka disa ditë që flet për përplasje civile dhe 1997, ndërkohë që detyra e tij është të zbatojë Kushtetutën.

 

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 17/09/2019 - 15:22

Kryetarja e Lëvizjes Socialiste për Integrim, Monika Kryemadhi gjatë një interviste  në A2 CNN ashtu si edhe nënkryetari i PD-së, Edmond Spaho ditën e djeshme mohoi  se do të ketë negociata të fshehta për zg

Postuar: 17/09/2019 - 15:14

Kryetari i Kuvendit, Gramoz Ruçi, priti sot Sekretarin Parlamentar të Shtetit për Drejtësinë të G

Postuar: 17/09/2019 - 14:42

Kryeministri Rama ka dal me një vendim të ri, i cili është shumë i rëndësishëm.

Postuar: 17/09/2019 - 13:56

45 dosjet e para të vetingut për drejtues të Policisë së Shtetit janë drejt përfundimit për t'

Postuar: 17/09/2019 - 13:33

Ministri i Jashtëm në detyrë  Gent Cakaj në Komisionin e Integrimit është pyetur nga deputet

Postuar: 17/09/2019 - 13:23

Pas takimit me kryetaren në largim të bashkisë së Shkodrës, Voltana Ademi, Lulzim Basha nuk i kur