Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Rama inspekton punimet e ujësjellësit të Mbrostarit në Fier: I japim fund krizës së ujit

Postuar: 17/11/2017 - 20:48

Qeveria ka negociuar me me TAP për të ndërtuar nga ae para ujësjellësin e Mbrostarit, në Fier.

Ujësjellësi i ri i mundësuar nga një investim prej 550 mijë eurosh do të ofrojë ujë për rreth 12 mijë banorët e kësaj zone (ku përfshihen fshatrat Mbrostar, Petovë, Makaj, Verri, Kallm, Mojalli, etj).

Gjatë inspektimit të punimeve, Kryeministri Rama tha se me investime të tilla do të bëhet e mundur që të tejkalohen përfundimisht  situatat e krizës për ujë, duke bërë një transformim rrënjësor të situatës.

“Për herë të fundit është investuar në vitin 1989, si këtu ka dhe plot zona të tjera. Falë këtij bashkëpunimi ne sot bëjmë të mundur një transformim rrënjësor të situatës, por deri në 1 shkurt të tërë ata që kanë lidhje të paligjshme, të shkojnë tek ndërmarrja e ujësjellësit, ta legalizojnë lidhjen, kështu do shpëtojnë nga të gjitha borxhet se nuk do i kërkojë njeri borxhe të prapambetura dhe do shpëtojnë nga ndëshkimi pas 1 shkurtit, sipas Kodit Penal të Republikës së Shqipërisë për të gjithë ata që vjedhin ujë.

E po ashtu, për të gjithë ata që janë punonjës të shtetit, kush merr një rrogë nga arka e shtetit, pra nga kontributet e taksave, nuk mundet të mos jetë në rregull me ujësjellësin. Nuk mundet të mos ketë matës, nuk mundet të ketë borxhe ndaj ujësjellësit.

Këtu, me këtë investim do garantohet furnizimi normal mbas kaq shumë vitesh që ju keni hequr keq dhe do bëhet e mundur që nga një situatë krize për ujë, të kthehet në një situatë transformimi falë kësaj reforme që po bëjmë e kështu do ndodhë në të gjithë Shqipërinë. Të gjithë pasuritë tona natyrore duhet të ishin kthyer në mirëqenie e në pasuri për secilin. Nëse nuk u kthyen në çerek shekulli, është koha të fillojmë punojmë që t’i kthejmë, por nuk kthehen sa hap e mbyll sytë", tha Rama.

Ndërsa Ministri i Infrastrukturës dhe Energjisë  Damian Gjiknuri tha se dyfishimi i fondeve për investime infrastrukturore, do të sjellë më shumë  objekte si shkolla, ujësjellës, rrugë, për këtë zone.

"Ky ka qenë një nga projektet infrastrukturore që qeveria shqiptare ka negociuar me TAP-in, sepse dikur ka qenë një fond 6 milion euro. Dyfishuam fondin e investimeve në dobi të komunitetit dhe Fieri si një nga bashkitë ku kalon gazsjellësi u mendua që të ketë projekte infrastrukturore. Ku shkojnë? Shkolla, ujësjellës, rrugë", deklaroi Gjiknuri.

Ndër të tjera, investimi parashikon: ndërhyrje në pjesën e jashtme të ujësjellësit në fshatin Verrija; zgjatimin e tubacionit në fshatin Kallm; ndërtimin e tubacionit deri në fshatin Mojalli; ndërtimi i dy stacioneve të pompimit; tubacionin e dergimit të ujit nga puset te dy rezervuaret. Te gjitha punimet po realizohen nga kompani shqiptare dhe janë punësuar rreth 50 persona.

/Agjensia e Lajmeve Sot News/

Na Beni Like Ne Facebook: 
Total votes: 9

Lajme nga e njejta kategori

Postuar: 21/05/2018 - 22:56

Gazetari Robert Rakipllari ka komentuar audiopërgjimin e publikuar nga PD, i cili implikon vëllain e ministrit të Brendshëm Fatmir Xhafaj, në trafikun e drogës.

Postuar: 21/05/2018 - 22:52

Kryeministri Edi Rama në intervistën nga qyteti i Gjirokastrës komentoi dhe disa prej politikanëve më të rëndësishëm në vend.I pyetur për presidentin e Shqipërisë Ilir Meta, dhe

Postuar: 21/05/2018 - 22:48

Pas publikimit të audio-përgjimit të Agron Xhafajt, vëllait të Ministrit të Brendshëm, ka pasur lajme se deputeti Taulant Balla do të jete pasuesi i Fatmir Xhafajt në krye të di

Postuar: 21/05/2018 - 22:45

Për Spartak Brahon audio-përgjimi i publikuar nga Partia Demokratike me të cilin pretendon se vëllai i Ministrit të Brendshëm drejton një linje trafiku të drogës, është i gjithi

Postuar: 21/05/2018 - 22:44

Kryeministri Edi Rama tha mbrëmjen e së hënës në “ABC News” se ka informacione që çojnë në dyshime të arsyeshme se zyrtarë të lartë të PD kanë lidhje me kokainën që

Postuar: 21/05/2018 - 22:29

Edi Rama ka folur në një intervistë në Abcnews se si u bind për të mos e shkarkuar Fatmir Xhafajn nga detyra si Ministër i Brendshëm përmes një analize shkencore të kryer nga nj

Postuar: 21/05/2018 - 22:08

Edi Rama u pyet nga gazetarja Mirela Milori në një intervistë nga shtëpia e Skendulateve në Gjirokastër nëse do të bënte koalicion me PD.