“Rama iu bën bisht pyetjeve të mia”/ Ralf Gjoni shpërthen ndaj kryeministrit dhe tregon shkresën që i ka ardhur nga Kuvendi: Sot në mënyrë tallëse, Ruçi ka vënë firmën në një...

Deputeti Ralf Gjoni kishte thirrur në interpelancë kryeministrin për menaxhimin e pandemisë, e cila nuk u realizua pasi Rama udhëtoi drejt Dubait për të firmosur një marrëveshje të rëndësishme.

Në një prononcim për mediat, jashtë Kuvendit, Ralf Gjoni u shpreh se e kanë shkrirë kërkesën e tij për interpelancë me Ramën.

“Siç jeni në dijeni më 16 tetor kam kërkuar interpelancë me Edi Ramën, me 4 pyetje specifike. Dua ti përsëris.

Plani i qeverisë për menaxhimin e pandemisë

Efikasiteti i masave dhe bashkëpunimi ndërinstitucional

Politika e qeverisë për përpjekjet globale të vaksinimit dhe protokolleve të trajtimit të pacientëve me COVID-19

Dhe masat nga qeveria për përballimin e krizës ekonomike dhe pasojat e papunësisë

Kjo është më 16 tetor. Ende pa përgjigje, 3 javë më pas, kryeministri duhet t’i përgjigjet shqetësimeve.

Shoh një shkresë paçavure. Sot në mënyrë cinike dhe tallëse dhe shpërfillëse ndaj shqiptarëve, jo ndaj meje, kryetari i kuvendit ka vendosur firmën në një dokument që është një interpelancë me Manstirliun.

Është qartë se kryeministri duket qenë në Dubai, ja delegon detyrën Manastirliut me pyetje që s’kanë lidhje me të.

Qeveria po fsheh të vërtetën për mënyrën si po menaxhohet situata me pandeminë. Rama i bën bisht përballjes në Kuvend. Të ketë minimumin e dinjitetit. Mungesë totale të protokollit të trajtimit të qytetarëve me COVID-19. Kemi mjekë familje që po bombardojnë pacientët me antibiotik dhe kortikonik. Asnjë masë s’po merret. Mjekët që kryejnë vepra penale duke rënduar shëndetin e qytetarëve. Shpërfillje e tallje.

Do kërkoj çdo javë që Rama të vijë në parlament. Jemi i vetmi vend që hyn në faqen e kryeministrisë e shëndetësisë dhe s’ke informacion ëpr COVID-19. S’ka transparencë, plan, masa.

Po përballemi dhe do të kemi një mbyllje eventuale, pasi s’kemi çbëjmë tjetër. Rastet do të rriten në dhjetor e janar. Kjo tregon që qeveria s’po merr masat e duhura për t’u mbrojtur nga pandemia.

Unë besoj që ju si media duhet të ngrini zërin. Ne të paktët në Kuvend do vijojmë ta ngrejmë zërin.”- tha Gjoni.