Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Rama rrokadë në zgjedhjet vendore, zbardhet lista e kandidatëve në Vlorë, Durrës, Elbasan dhe 13 qytete kryesore, Veliaj në pikëpyetje

Postuar: 20/11/2018 - 10:00

Kryeministri Edi Rama ka vendosur të bëjë rrokadë vitin që vjen në bashkitë kryesore të vendit. Më 30 qershor qytetarët do u drejtohen kutive të votimit për të zgjedhur krerët e pushtetit vendor dhe sinjalet janë se shumica e kryebashkiakëve të PS nuk do të rikandidohen. Gazeta ka siguruar listën paraprake të kandidatëve për qytetet kryesore të vendit dhe ajo që bie në sy është se dominojnë deputetët. Burime të sigurta nga kampi socialist bënë të ditur se tashmë në zyrën e kryeministrit ka mbërritur një listë me kandidatët më favoritë në zgjedhje. Kjo listë është hartuar mbi bazën e propozimeve që ka sjellë baza, por dhe nga interesi që kanë shfaqur shumë deputetë. Pak kohë më parë të gjitha degët e PS dërguan në Tiranë propozimet e tyre me kandidatë për kryetarë bashkie, ndërsa në mbledhjet e grupit disa deputetë kanë dalë publikisht se janë gati të garojnë për kryetarë bashkie. Mbi këto lëvizje shefi i qeverisë ka hartuar një listë paraprake e cila do të zyrtarizohet në janar. Në fund të muajit janar do të mblidhet Asambleja e Partisë Socialiste dhe aty kryeministri do të përcaktojë hapur se cilët do të jenë kandidatë e PS në zgjedhjet vendore. Gazeta ka siguruar të dhënat, por 16 qytete kryesore në vend dhe numri i emrave që do të rikonfirmohen është minimal. Është pothuajse zyrtare që në Lezhë do të garojë Pjerin Ndreu, ndërsa në Kamëz Rakip Suli. Në Pogradec do të garojë Ilir Xhakolli, ndërsa në Korçë do të rikonfirmohet Sotiraq Filo. Surpriza duket se do të jetë Vlora. Sipas burimeve, Dritan Leli me shumë gjasë nuk rikandidohet dhe kandidati me më shumë potencial shihet Fate Velaj. Surpriza ka dhe në Elbasan dhe në Durrës. Sipas sinjaleve nga PS, Qazim Sejdini nuk do të rikandidohet. Për këtë arsye në Elbasan shihet si kandidat Gledian Llatja, shef i kabinetit të ministrit Damian Gjiknuri. Sa i takon Durrësit, pritet rikonfirmimi i Vangjush Dakos. Edhe pse ai po sulmohet nga PD, Dako ka shumë mbështetje në Durrës dhe e ka të sigurt fitoren vitin që vjen. Për këtë arsye pritet të jetë sërish kandidat. Në Shkodër shihet si kandidate zv/kryeministrja Senida Mesi. Por gazeta ka mësuar se kryeministri është dakord me kandidimin e saj, por vetë zonja Mesi është skeptike, duke qenë se bëhet fjalë për një bastion të djathtë. Në Dibër pritet të garojë deputetja Almira Xhembulla, ndërsa në Berat Eugen Kallfani. Ndërkohë në Gjirokastër është Bledi Çuçi. Në Sarandë kryeministrit pritet që të rikthejë Stefan Çipën, ndërsa në Kukës do jetë Safet Gjici. Ndërsa Fieri e Tepelena mbeten të pandryshuara.

Gara për Tiranën

Gazeta ka mësuar nga Partia Socialiste se deri më tani Erion Veliaj nuk është rikonfirmuar për kandidat në Tiranë. Kryeministri ja u ka bërë të ditur deputetëve se nuk ka marrë një vendim për Veliajn, por ka shfaqur dëshirën që në Tiranë të vendoset për herë të parë një kandidate femër. Më e favorizuar është ministrja e Shëndetësisë, Ogerta Manastirliu, ndërsa po ashtu kryeministri ka në tavolinë dhe 2 emra të tjerë po femrash, ku mësohet se janë deputete të PS. Pra sinjalet janë se kryebashkiaku Veliaj mund të mos rikandidojë në Tiranë. Gazeta ka prej javësh që e ka paralajmëruar se mes tij dhe kryeministrit marrëdhëniet janë tepër të tensionuara. Veliaj ka forcuar aleancat me rivalët e kryeministrit dhe kjo duket se është një sfidë përballë numrit një të PS. Megjithatë duket se Veliaj do të rrijë në ankth deri në janar kur dhe do të zyrtarizohen kandidatë e PS në zgjedhjet vendore. Gazeta ka mësuar se kryeministri ka vendosur të bëjë rrokadë, pasi pritet që të jenë rreth 15 deputetë dhe ministra që të kandidojnë në zgjedhje.

Kliti Topalli

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 20/07/2019 - 13:09

Miranda Rira, kryebashkiakja në detyrë e Prrenjasit, ka kërkuar të jetë e pranishme në seancën gjyqësore ku pritet të çertifikohet mandati i Nuri Belbës, fitues nga votimet e 30 qershorit.

Postuar: 20/07/2019 - 13:04

Kreu i Komisionit të Ligjeve Ulsi Manja së fundmi është shfaqur mes grave politikane.

Postuar: 20/07/2019 - 13:00

Shtetet e Bashkuara të Amerikës kanë dërguar dje një mesazh të qartë për këdo që i sfidon.

Postuar: 20/07/2019 - 12:49

“Starton në Apple Store, aplikacioni i parë informues ‘Diaspora Shqiptare’, dek

Postuar: 20/07/2019 - 12:06

Pak ditë më parë, kryeministri Edi Rama u tregua i prerë duke paralajmëruar të gjitha bizneset që

Postuar: 20/07/2019 - 11:39

Kryeministri i Kosovës dha dorëheqjen një ditë më parë për t’u vënë në dispozicion të Gjyka

Postuar: 20/07/2019 - 10:50

Kryetari i PD, Lulzim Basha ka reaguar sërish  pas vendimit të gjykatës së Durrësit, që i dh