BREAKING NEWS

Shëndetësia shqiptare promotore mediatike e koronavirusit që po ushtron terror mbi psiqikën e shqiptarëve nën regjinë e supernovës të Surrelit

Shëndetësia shqiptare promotore mediatike e koronavirusit që po
x

Politike

Rama “shigjeton” direkt Bashkimin Europian: Është një turp për BE-në që sot mban peng një popull

Rama “shigjeton” direkt Bashkimin Europian: Është një

Rama: Turp që BE-ja nuk liberalizon vizat për Kosovën, po mban peng një popull

Vizitën e tij të parë zyrtare se kryeministër i Kosovës, Avdullah Hoti ka zgjedhur ta bëjë në Tiranë. Hoti do të takohet me zyrtarët e lartë të shtetit shqiptar.

Gjatë fjalës së tij pas takimit, kryeministri Edi Rama nuk la pa 'shigjetuar' direkt Bashkimin Europian që nuk po liberalizon vizat me Kosovën edhe pse ka përmbushur kushtet.

"Ne nuk marrim vendime Kosovën, ne nuk flasim në emër të Kosovës, por për Kosovën. Është një turp për BE-në që sot mban peng një popull, i vetmi i marrë peng në kontitentin tonë, që ndalohet të lëvizë lirisht. Si shtet i ka plotësuar të gjitha detyrimet që duhet të plotësojë cdo shtet para se të marrë liberalizimin e vizave. E dimë shumë mirë arsyen, nuk gjendet në Kosovë, apo ndonjë paaftësi të Kosovës për të përmbushur detyrimet, ato janë përmbushur dhe janë njohur nga vetë KE, arsyeja është në Europë, në politikën e brendshme të BE-së, vendeve të ndryshme, që gjithmonë e më shumë kur marrin vendime për ne, nisen nga kalkulimet për qëndrueshmërinë elektorale të forcave qeverisëse, ky nuk është turp, turpi është që Kosova nuk lëviz e lirë" tha Rama.