Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Rama takon presidentin Macron, Franca vlerëson reformën në drejtësi, kryeministri kërkon mbështetje për negociatat

Postuar: 16/05/2018 - 08:39

Kryeministri Edi Rama ka vijuar turin e lobimit në vendet e Bashkimit Europian sa i takon negociatave, teksa ditën e djeshme u ndal në Francë. Shefi i qeverisë ka udhëtuar drejt Parisit me ftesë të Presidentit francez, Emmanuel Macron.Kryeministri Edi Rama është pritur në Pallatin Elysee në Paris nga Presidenti Macron, me të cilin ka pasur një takim kokë më kokë. Takimi ka zgjatur më shumë se 1 orë e 30 minuta dhe vjen pak javë përpara se Franca të vendosë, nëse në 28 qershor do të votojë pro apo kundër hapjes së negociatave për Shqipërinë.Nga sa mësohet, nga burime qeveritare, Macron ka vlerësuar reformat e bëra nga Shqipëria për sistemin e drejtësisë, luftën kundër krimit të organizuar dhe korrupsionit. Po ashtu, vlerësime pozitive presidenti francez ka dhënë dhe për një sërë reformash të tjera të qeverisë shqiptare në kuadër të integrimit. Mirëpo, duke qenë se Franca është një ndër vendet skeptike së bashku me Holandën dhe Gjermaninë që ende nuk ka një vendim për vendin tonë, mësohet se shqetësimi kryesor i tyre ka qenë niveli i azil kërkueseve. Madje, këtë shqetësim Macron mësohet se ja ka përcjellë edhe kryeministrit Rama. Megjithatë, sa i përket mbështetjes për hapjen e negociatave, kreu i Elizesë ka thënë se po lexohet raporti i Komisionit Europian dhe se në javët në vijim do të ketë një qëndrimin përfundimtar.Më herët Macron është shprehur se BE duhet të reformohet brenda vetes përpara se të zgjerohet, ndërsa kryeministri Rama ka thënë se reforma e brendshme e Unionit duhet të vazhdojë paralelisht me zgjerimin.

Rama kërkon mbështetje për negociatat

Po ashtu, mësohet se gjatë takimit me presidentin francez, kryeministri Edi Rama ka kërkuar nga Macron, që ky i fundit të mbështesë Shqipërinë sa i takon çeljes së negociatave. Madje, sipas burimeve brenda ekipit shqiptar që shoqëronte kryeministrin, Rama mësohet të ketë kërkuar që Shqipërisë t’i njihet merita e reformave të kryera dhe ka garantuar vijimin e tyre përgjatë bisedimeve për anëtarësim. Takimi i kryeministrit Rama vjen pas takimit që pati me kancelaren gjermane, Angela Merkel pak ditë më parë. Në Berlin teksa ishte duke komentuar rekomandimin pozitiv të Komisioni Europian për Shqipërinë, Rama deklaroi se Shqipëria nuk do të mbetet peng e përplasjeve të brendshme të BE. Madje, ai ka paralajmëruar të gjithë vendet e huaja, që janë skeptikë për hapjen e negociatave të Shqipërisë në BE, duke ju thënë se Shqipëria nuk mund të përdoret si “kokë turku” nga asnjë forcë politike apo individ. Sipas tij, Shqipëria i ka bërë detyrat e shtëpisë për këtë fazë dhe meriton hapjen e negociatave. “Ne kemi marrë rekomandimin të qartë dhe pa kushte, ç’ka nënkupton që teknikisht kemi përmbushur detyrimet. Detyrat e shtëpisë janë bërë për këtë. Tani është vendimmarrje e bazuar në gjykim politik, dhe këtu ka gjithmonë luftë pasi ka interesa të ndryshme. Shqipëria dua të mos bëhet peng i asnjë dinamike të brendshme politike e të mos përdoret nga forcat politike dhe individët si një lloj “koke turke”për të avancuar axhendat që nuk kanë të bëjnë aspak me atë që ne kemi bërë për detyrat e shtëpisë”, deklaroi ai./ Rigels Seliman

/Agjensia e Lajmeve Sot News/

Na Beni Like Ne Facebook: 
Total votes: 0

Lajme nga e njejta kategori

Postuar: 26/05/2018 - 11:39

Kreu i PD-së Lulzim Basha ka nisur fjalimin e tij para shqiptarëve që i janë bashkuar opozitës në protestë kundër qeverisë së Edi Ramës.

Basha tha se nuk kërkon rrëzimin e qeverisë por shkëputjen e saj nga krimi.

Postuar: 26/05/2018 - 11:34

E ka nisur me vargjet e poetit të Rilindjes,Naim Frashëri fjalimin e tij në protestë kreu i PD Lulzim Basha.

Postuar: 26/05/2018 - 11:33

Pas daljes nga selia e LSI duke u drejtuar për në bulevard ku iu bashkua protestuesve të opozitës, Monika Kryemadhi është shprehur edhe një herë se “largim i Edi Ramës do

Postuar: 26/05/2018 - 11:31

Ish kryeministri Sali Berisha është bashkuar në bulevardin ‘Dëshmorët e Kombit’ protestës së opozitës para Kryeministrisë.

Postuar: 26/05/2018 - 11:22

Ditën e djeshme ministri i Brendshëm Fatmir Xhafaj tha se do japë dorëheqjen nëse audio-përgjimi me në qendër vëllain e tij Agron Xhafaj del i vërtetë.

Postuar: 26/05/2018 - 11:19

Opozita ka nisur protestën e saj kundër qeverisë së Edi Ramës.

Postuar: 26/05/2018 - 11:16

Kryetarja e LSI, Monika Kryemadhi në nisje të protestës së opozitës deklaron se Rama duhet të largohet. Sipas saj largimi i Ramës dhe Xhafajt është paketë.