Nuk ndalet lufta brenda opozitës! Regjistrimi i koalicionit të PD me LSI/ Përfaqësuesi i Alibeajt në KQZ kundërshton përfshirjen e Partisë Demokratike në koalicionin Berisha-Meta

KQZ është mbledhur për të shqyrtuar kërkesën e regjsitrimit të koalicionit “Bashkë fitojmë” për zgjedhjet e 14 Majit.

Por Indrit Sefa përfaqësuesi ligjor i PD-së së drejtuar nga Alibeaj, e ka kundërshtuar këtë koalicion duke kërkuar nga ana e komisionerit rrëzimin e kërkesës.

“ PD nuk ka asnjë kërkesë për koalicion. Kjo kërkesë është në mashtrim të ligjit.  Nuk di kush është personi që i është drejtuar KQZ me një kërkesë që ësnhtë në kundërshtim të ligjit. PD nuk ka bërë asnjë koalicion. Është përdorur emri dhe logo e PD nga persona të pa autorizuar dhe të palegjitimuar. Komisioneri duhet të konstatojë që kjo marrëveshje është bërë në mashtrim të ligjit dhetë zgjedhësve. PD nuk ka kërkesë për koalicion”, tha Sefa.