BREAKING NEWS

Ministria e Shëndetësisë publikon shifrat, ja sa raste të reja me koronavirus janë shënuar 24 orët e fundit

Ministria e Shëndetësisë publikon shifrat, ja sa raste të
x

Politike

Rruga Milot-Fier, Balluku i përgjigjet opozitës, PD akuza qeverisë se do vjedhë për 35 vite shqiptarët, ja replikat

Rruga Milot-Fier, Balluku i përgjigjet opozitës, PD akuza

Ministrja e Infrastrukturës dhe Energjisë, Belinda Balluku i ka kthyer ditën e djeshme përgjigje opozitës, për akuzat për projektin e rrugës Milot-Fier. Referuar 4 pyetjeve të bëra publike nga Partia Demokratike, se pse nuk u bë transparenca në Agjencinë e Prokurorimeve Publike, Balluku deklaroi nga foltorja e Kuvendit se kërkoi mendimin e ekspertëve qeveritarë, për të cilët theksoi se janë “Hill International, Dellotite”, të financuar nga Bashkimi Europian. “Javën e fundit, 7 ditë të tëra kam dëgjuar me shumë vëmendje vrerin e hedhur në media për projektin më të madh, të korridorit blu, Milot-Fier, kam pritur 7 ditë për të ardhur në këtë foltore. Unë i përgjigjem Murrizit, Rudina Hajdarit dhe të tjerëve këtu, jo atyre që nuk i zë gjumi natën, pra nuk i përgjigjem lukunisë, apo zëdhënësve të qametit. Do ta nis nga e para. E kam ndaluar unë hedhjen e dokumenteve në APP, sepse pak minuta pas lançimit të këtij projekti ju u turrët për të hedhur zift. U kërkova ekspertëve të ndalonin, kërkova mirëkuptimin e kryeministrit dhe dëgjuam me vëmendje deklaratat tuaja dhe morëm dhe analizuam se mos ndoshta kishit ndonjë fije të vërtetë, apo ndonjë numër që na paska shpëtuar ne apo ekspertëve ndërkombëtarë. Hill International, Dellotite, këta janë ekspertët tanë që po punojnë për ne, po kush janë ekspertët e qametit që thonë se projekti është i fryrë? Kjo rrugë kushton 1 miliard e 118 milionë euro, do të vijë nga investitori privat përmes një gare ndërkombëtare për të ardhur me investimin më të madh dhe çmimin pagesën e rrugës më të ulët. Ua thashë përgjigjen edhe pse ju nuk meritoni asnjë përgjigje. Kush jeni ju që abuzoni me çmimet, gjithçka në këtë republikë duhet ta zgjidhim në gjykatë? 17.5 euro udhëtimi? Kush jeni ju që e nxirrni këtë çmim”, deklaroi ministrja Balluku. Ndërkohë nga ana tjetër, ish-deputetja e Partisë Demokratike, Jorida Tabaku theksoi dje se rruga Milot-Fier është me koncesion të paracaktuar. Përmes një postimi në rrjetet sociale, Tabaku shkruan se fituese është kompania greke GEK Terna. Sipas saj, gjithçka tjetër është gënjeshtër për të mbuluar vjedhjet me PPP. “Rruga 1.2 miliardë euro, Milot-Fier, e gjatë 115 km, ku 62 km janë të përfunduara, është koncesion me fitues të paracaktuar. Ajo është kompania greke GEK Terna. Gjithçka tjetër është gënjeshtër për të mbuluar hajdutin, siç ka ndodhur këto 7 vjet me çdo projekt PPP, të ideuar dhe zbatuar nga Rama. Një tjetër histori vjedhje me një barrë në kurrizin e shqiptarëve të varfëruar që do të paguhet për 35 vjet me radhë si PPP. Fakte të reja pse fituesi është paracaktuar”, deklaroi ish-deputetja Tabaku.

Më të lexuarat