Sali Berisha bën paralajmërimin e fortë: Ju tregoj kërkesën që i kam bërë PE! Kur të vijë PD në pushtet, shpallim non grata...

Ish-kryeministri Sali Berisha ka bërë një deklaratë të fortë gjatë një takimi elektoral me demokratët në qytetin e Korçës, ku u shpreh se kur të vijë PD-ja në pushtet, do të shpallë non-grata multimiliarderin George Soros.

“Po të garantoj që nga aktet e para të PD-së në pushtet do të jetë George Soros non-grata. George Soros, me rivendosjen e monizmit në shoqërinë civile në Shqipëri, me vendosjen e drejtësisë me reformën e tij në kontrollin e qeverisë, me implikimin e tij direkt në shkëmbimin e territoreve midis Serbisë dhe Kosovës dhe projekte të tjera, është një armik i vërtetë i demokracisë shqiptare. Kam kërkuar nga Parlamenti Europian dhe Kongresi i SHBA-së, të ndalojë çdo veprimtari politike të tij jashtë SHBA-së. Për Shqipëri, ai nuk do të ketë më vend, dhe nuk do ushtrohet aktiviteti i tij në Shqipëri”, tha Berisha.