Sali Berisha dënon sulmin në Ankara: Akt terrorist, solidaritet me autoritetet turke

Sali Berisha ka dënuar sulmin e sotëm terrorist në Ankara pranë parlamentit. Me anë të një postimi në Facebook, ish-kryeministri shpreh solidaritet me autoritetet turke, ndërsa i uron shërim të shpejt personave të plagosur.

“Akt terrorist në Ankara! Sot paradite dy persona sulmuan, në një akt terrorist, ndërtesën qeveritare pranë Parlamentit të Turqisë. Ata hodhën granata në drejtim të Ministrisë së Brendshme dhe si pasojë dy policë u plagosen, ndërsa dy terroristët u asgjësuan.

Partia Demokratike dënon me ashpërsinë më të madhe këtë akt terrorist dhe shpreh solidaritetin e saj me autoritet turke, si dhe ju uron shërim të shpejtë të plagosurve”, shkruan Sali Berisha.