Sali Berisha shet “Foltoren” tek Ilir Meta, këshillat bashkiakë mbushen me anëtarë të ish-Lëvizjes Socialiste për Integrim, ja emrat

Ashtu siç gazeta “SOT” e ka paralajmëruar, vendimi për të hyrë në zgjedhjet lokale të 14 majit nën logon e Partisë së Lirisë, duket se do t’i kushtojë shtrenjtë ish-kryeministrit Sali Berisha. Në mënyrë sistematike demokratët kanë ngritur alarmin dhe kanë dalë kundër bashkëpunimit me Ilir Metën, thirrje dhe kërkesa këto, të cilët ata madje ja kanë vënë në dukej edhe publikisht kreut të “Foltores”, Sali Berisha. Por duket se këto thirrje të sinqerta të demokratëve janë injoruar me vetëdije nga Berisha, i cili si gjithmonë ka zgjedhur që të ndjekë i qetë axhendën e tij, kryefjalë e së cilës është interesi i tij privat dhe familjar. Në Komisionin Qendor të Zgjedhjeve janë dorëzuar listat e kandidatëve për këshillat bashkiakë të koalicionit “Bashkë Fitojmë” sa i takon zgjedhjeve vendore, ndërsa ajo që bie në sy është se Ilir Meta ka marrë thuajse të gjitha vendet e sigurta për këshilltarë.

“Foltorja” përfundon në duart e pista të Metës

Kështu në kuadër të pazarit që arritën Iliri me Saliun, PL do të dalë me 240 kandidatë. Mirëpo nëse shihen me kujdes listat e kandidatëve, në qytetet kryesore emrat e Ilir Metës janë në pozicione të sigurta. Në Durrës, kryeson Ardian Muka i PD, por 3 emrat pas tij janë nga radhët e Partisë së Lirisë. Që janë: Edlira Shemsi, Luan Nezha, Kontjana Kuçi, etj. E njëjta gjë vlen edhe në Shkodër, Berat, Fier dhe disa qyte të tjera. Megjithatë batërdia më e madhe i është bërë Berishës në Tiranë, pasi Meta i ka futur të gjithë besnikët e tij në pozicione të sigurta. Ndër emrat mund të përmendim: Silva Caka, Endrit Braimllari, Florida Kërpaçi, Tedi Blushi, Ana Azizaj, Artan Distafa, etj. Pra ajo që mund të thuhet është se Partia e Lirisë po rritet në kurriz të demokratëve. Meta momentalisht është katandisur në mes të katër rrugëve. Në Kuvend ka vetëm 4 deputetë, ndërsa në këshilla ka asnjë përfaqësues. Por sipas emrave të dorëzuar thuajse shumica e kandidatëve të PL janë në zona të sigurta, ndërsa Berisha emrat e tij i ka lënë jashtë vijës së kuqe. Duke marrë parasysh se në lojë do jenë dhe kandidatët e Alibeajt, ata që kanë shansin të fitojë janë emrat që kryesojnë. Kjo do të thotë se Berisha mund ë katandiset me më pak këshilltarë se Meta. Ky i fundit historikisht ka përdorur këshillat për pazare, pasi atje ku ka shumicën mund të përdor këshilltarët për të bllokuar projekte. Si duket zoti Berisha tani do vuajë pasojat e aleancës me Metën, pasi nuk mësoi nga fakti që sot në pushtet Edi ramës është falë kreut të PL, apo nga afera e bllokut 700 mijë euro të ish-presidentin , i cili doli me zë e figurë në videon e Dritan Priftit, ku kërkonte hapur para dhe bënte korrupsion. Thënë troç dhe referuar asaj që shihet në dritën e diellit, duket qartë se kreu i Partisë së Lirisë, Ilir Metaj ka bërë bingo me listën e Këshilltarëve të Bashkiak të Tiranës dhe jovetëm, duke futur shumicën absolute të besnikëve të tij në pozicione fituese, ndërkohë që është e sigurtë që më 14 maj, “Foltorja”, do marrë “Noc Rrokun”, duke u shkërmoqur. Kujtojmë se Berisha dhe Meta do të garojnë në zgjedhjet lokale të 14 majit në koalicion me partitë PBDNJ dhe LDK. Partia kryesore e koalicionit Meta-Berisha, do të jetë Partia e Lirisë.