Sapo përfundoi fjalën Zelensky, Berisha bën propozimin ekstrem kundër Rusisë, reagon ‘dhëmbë për dhëmbë’ Taulant Balla: I ka mbaruar koha!

Ish kryeministri i vendit, Sali Berisha, ka bërë thirrje urgjente që të prishen marrëdhëniet diplomatike me Rusinë dhe të largohet menjëherë nga Shqipëria ambasadori i Rusisë në Tiranë.

I menjëhershëm ka ardhur edhe reagimi i kreut të Grupit Parlamentar të Partisë Socialiste, Taulant Balla.

“Kuvendi i Shqipërisë sot kishte një seancë të posaçme me tepër rëndësi. Për të gjithë ishte e qarte edhe pozicioni i Shqipërisë i shprehur nga kryeministri Rama dhe po ashtu i qartë ishte edhe vlerësimi nga zoti Zelensky.

Në këtë aspekt kashtë mbi tjegulla mund të pretendojë të vendosë gjithkush. Nuk është momenti që politikanë të caktuar që e kanë mbyllur kapitullin e tyre të vijnë me propozime që as nuk kanë vlerë. Agresioni i pajustifikueshëm rus e ka bërë botën më të bashkuar se kurrë. Shqipëria do të ndërmarrë të gjitha hapat. Të merremi me gjëra serioze dhe jo me tullumbase populiste të ndonjë politikani që koha i ka mbaruar me kohë. Zoti Berisha nuk ekziston për mua.

Në fjalën e kryeministrit Rama keni një përgjigje të saktë për të gjitha hapat që do të marrë. Ne jemi të gjithë me Ukrainën”, tha Balla.