Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

SHBA “shpërthen” në kritika ndaj BE: Të zhgënjyer me bllokimin e negociatave për Shqipërinë, rajoni rrezikohet nga forca dashakeqëse

Postuar: 19/10/2019 - 09:05

Këshilli i Bashkimit Europian ka vendosur sërish kundër Shqipërisë dhe Maqedonisë së Veriut. Dje të gjithë i kishin sytë tek liderët e Bashkimit Europian, por ndodhi ajo që ishte paralajmëruar. Franca doli hapur kundër Shqipërisë dhe për pasojë, çështja është shtyrë për në maj të vitit 2020. Përveç Tiranës, zhgënjime pati edhe tek drejtuesit e BE, të cilët deklaruan hapur se vendi ynë, meritonte hapjen e negociatave. Megjithatë, shtyrja e negociatave u ka dhënë kohë qeverisë shqiptare dhe autoriteteve, që të ngrenë SPAK, BKH dhe më pas të luftojnë korrupsionin. Gjatë gjithë kësaj jave, fokusi është vënë tek vijimi i reformave dhe për Brukselin, kusht kryesor për hapjen e negociatave, është lufta ndaj të korruptuarve.

Reagon SHBA

Vendimi i BE për të shtyrë hapjen e negociatave deri në maj nuk është pritur aspak mirë nga SHBA. Departamenti i Shteti ka reaguar mbrëmë vonë, duke lëshuar mjaft kritika ndaj BE. Sipas amerikanëve, Shqipëria i ka plotësuar të gjitha kushtet. Po ashtu është dhënë alarmi se mungesa e integrimit rrit rrezikun që në rajon të forcojnë pozitat forca të huaja, duke aluduar për Rusinë. “Jemi të zhgënjyer që Këshilli Europian nuk njohu përpjekjet shumë të forta për reforma të secilit vend (Shqipëri, Maqedonia e Veriut) me anë të një vendimi për të hapur negociatat për anëtarësim në këtë kohë. Një vendim pozitiv do të kishte riafirmuar besueshmërinë e rrugës së tyre për në BE dhe do t’i ishte kundërvënë vendosmërisht aktorëve të huaj dashakeqës, të cilët kërkojnë të minojnë vlerat perëndimore dhe komunitetin euro-atlantik. Ne njohim faktin që Këshilli Europian nuk i tha “jo” as Shqipërisë dhe as Maqedonisë së Veriut, dhe as nuk përcaktoi kushte të reja për hapjen e negociatave për anëtarësim. Shpresojmë që Këshilli Europian do të arrijë konsensus për një vendim pozitiv për të dy vendet kohë përpara Samitit BE-Ballkani Perëndimor verën tjetër”, tha një zëdhënës i DASH. Më tej është theksuar se Shtetet e Bashkuara do të mbeten partner strategjik i Maqedonisë së Veriut dhe Shqipërisë në vijimin e punës për të forcuar sundimin e ligjit dhe për të çuar përpara përpjekjet anti-korrupsion. “I nxisim të dy vendet të mbeten të palëkundur në ndërtimin e shoqërive transparente, të bazuara në rregulla dhe demokratike që iu përgjigjen nevojave të qytetarëve. Shtetet e Bashkuara do të vazhdojnë të punojmë me partnerët europianë për të çuar përpara synimet e përbashkëta të stabilitetit dhe sigurisë në Ballkanin Perëndimor”, thuhet aty.

Reagojnë Tusk e Juncker

Presidenti i Këshillit Europian, Donald Tusk, deklaroi dje se nuk pati unanimitet për hapjen e negociatave për Shqipërinë dhe Maqedoninë e Veriut, duke bërë të ditur se do t’i rikthehen kësaj çështje, në maj të vitit që vjen. Presidenti i KE, gjatë fjalës së tij, në konferencën e përbashkët me liderët e tjerë të BE, u shpreh se lidhur me këtë vendim, nuk e ka fajin Shqipëria. “Nuk e kanë fajin Shqipëria dhe Maqedonia e Veriut lidhur me këtë, të dyja kanë bërë gjithçka i ishte kërkuar të bëjnë. Dua t’u dërgoj një mesazh shqiptarëve dhe maqedonasve. Ju lutem mos u dorëzoni! Padyshim një ditë do të bëheni pjesë e BE-së”, u shpreh Tusk. I pranishëm në këtë konferencë ishte dhe Kreu i Komisionit Europian, Jean Claude Juncker. “JO”-ja e BE, për hapjen e negociatave me Shqipërinë dhe Maqedoninë e Veriut, është një gabim historik, sipas tij, ndërsa deklaroi se Shqipëria dhe Maqedonia, e meritonin që të shpërbleheshin nga BE-ja, me lajmin e mirë të çeljes së bisedimeve për anëtarësim. “Pata thënë në fillim të mandatit tim se nuk do të kishte zgjerim gjatë këtyre 4 viteve. Por çështja këtë herë nuk ishte kjo, çështja ishte nëse ato ishin apo jo kandidatë në nivelin e duhur për të na lejuar të nisnim bisedimet. Unë mendoj që ishte një gabim historik. Nëse BE dëshiron të respektohet, ajo duhet të respektojë angazhimet e saj”, deklaroi Juncker./ Ornela ÇELPICA

 

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 21/11/2019 - 23:55

Kamerat kanë kapur një moment të veçantë sot nga dalja e Presidentit të Republikës Ilir Meta nga

Postuar: 21/11/2019 - 22:42

Ish-deputeti i PD, Flamur Noka, i ftuar në “360 gradë”, ka deklaruar se Vettingun po

Postuar: 21/11/2019 - 22:02

Albin Kurti, i cili është edhe kandidati kryesor për të qenë kryeministri i ardhshëm i Kosovës ka

Postuar: 21/11/2019 - 21:53

Ambasada e Shteteve të Bashkuara të Amerikës në Shqipëri publikoi sot një deklaratë për shtyp, ku

Postuar: 21/11/2019 - 21:50

I ftuar në emisionin “Open”, Albin Kurti deklaroi se ka patur gjithnjë debate të fort

Postuar: 21/11/2019 - 21:42

Kryetari i Lëvizjes Vetëvendosje, Albin Kurti, i cili është edhe kandidati kryesor për të qenë kr