Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

SHBA tjetër goditje Metës e opozitës, Reeker: Bojkoti i Parlamentit i gabuar, Uashingtoni nuk bëhet më arbitër për krizat tuaja, prisni Kushtetuesen

Postuar: 18/07/2019 - 09:10

Shtetet e Bashkuar të Amerikës i ka dhënë ditën e djeshme një tjetër goditje opozitës. Ka qenë sërish, ndihmës sekretari amerikan i Shtetit për Çështjet Europiane, Philip Reeker, i cili i ka dhënë një mesazh të fortë për opozitën shqiptare nga Këshilli i Atlantikut, duke dënuar bojkotin e institucioneve nga ana e saj. Lajmin e ka bërë me dije ambasadorja Shqipërisë në Shtetet e Bashkuara të Amerikës, Floreta Faber në rrjetet sociale. Zonja Faber thekson se gjatë takimit me diplomatin amerikan, ky i fundit duke e ndalur theksin tek kriza poltike ka kërkuar që ajo të zgjidhet vetëm brenda Kushtetutës. “Shqipëria duhet të përdorë institucionet e saj në mënyrë që të kalojë gjendjen e sotme politike. Bojkotimi i tyre nuk është ajo që shpresuam të shohim. Ata duhet ta zgjidhin situatën brenda kuadrit kushtetues!”, ka thënë Reeker gjatë samitit në Uashington, bën me dije ambasadorja e Shqipërisë në SHBA, Floreta Faber. Ndërsa për “VOA”, Ndihmës Sekretari amerikan i Shtetit Philip Reeker tha se Shtetet e Bashkuara nuk do të bëhen arbitër i politikave të brendshme të Shqipërisë. Po ashtu ai i çoi një mesazh presidenti se duhet të vendosë Kushtetuesja për gjithçka. “Nuk jemi krenarë me shqiptarët këto javët e fundit, sepse ata nuk përdorën institucionet që kanë. Nuk mundet që thjesht të bojkotosh parlamentin ose të dorëzosh mandatet. Ato institucione duhen përdorur, duhen përdorur gjykatat, duhet të emërohen anëtarët e Gjykatës Kushtetuese, që përmes Kushtetutës dhe përdorimit të këtyre mjeteve të tejkalohen kohët e vështira politike. Shtetet e Bashkuara nuk do të bëhen arbitër i politikave të brendshme të Shqipërisë, por ne do të vazhdojmë të inkurajojmë të gjitha palët të punojnë së bashku me institucionet dhe të bëjnë hapat e duhur që të ecin përpara. Dhe nëse institucionet nuk bëjnë punë, atëherë puno që t’i ndryshosh ato, nëpërmjet parimeve kushtetutese që keni”, tha zoti Reeker. Ai tha se Shqipëria vazhdon të jetë një ndër aleatet më të forta të Shteteve të Bashkuara në Evropën juglindore. “Por ne nuk jemi krenarë me gjendjen aktuale politike në Shqipëri”, tha zoti Reeker.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 24/08/2019 - 14:18

Ish-deputeti i LSI-së, Endrit Braimllari ka denoncuar sot me pamje se si po dëmtohet infrastruktura rrugore në Udënisht të Pogradecit, në pikun e sezonit turistik.

Postuar: 24/08/2019 - 13:50

Kryeministri Edi Rama ka reaguar për faturat e çmendura të ministres Etilda Gjonaj të cilat prej

Postuar: 24/08/2019 - 13:23

Që pas marrjes së detyrës si kryebashkiak i Lezhës, Pjerin Ndreu, ka nisur punën në terren për pa

Postuar: 24/08/2019 - 13:17

Ish- anëtari i Këshillit Kombëtar të PD, Edvin Kulluri, është treguar shumë kritik lidhur me qënd

Postuar: 24/08/2019 - 13:01

“Bankers Petroleum” nuk do paguajë gjobën e rëndë prej 104 milionë lekësh.

Postuar: 24/08/2019 - 12:25

Ambasadori i ri i Gjermanisë në Tiranë, Peter Zingraf, i cili mori zyrtarisht detyrën pak ditë më

Postuar: 24/08/2019 - 11:41

Kryeministri Edi Rama ka dhënë një tjetër lajm të mirë, sa i takon projekteve për rrugët në vend.