Sherret për kandidatët/ Rama nuk ruan dot qetësinë, kritika të forta deputetëve në Vlorë, votohet për kandidatin që do garojë për Bashkinë, kryeministri ka dalë jashtë...

Kryeministri Edi Rama ndodhet këtë të shtunë në Vlorë, ku prej orës 10:00 ka nisur takimin me Asamblenë e Partisë Socialiste të këtij qarku.

Gjatë mbërritjes në teatrin “Petro Marko”, Rama është shoqëruar nga drejtuesi politik i PS-së, Blendi Klosi dhe deputeti Vullnet Sinaj.

Në mbledhje, Rama ka qortuar dhe ka shprehur kritikat e tij për deputetët e qarkut të Vlorës për fushatën që ata bënë për kandidatët për kryetar bashkie.

Ndërkaq, kreu i qeverisë ka mbështetur punën e deritanishme të bërë nga prefekti Flamur Mamaj.

Brenda asamblesë do të votohet për emrin e kandidatit për Bashkinë e Vlorës, me votim të fshehtë midis dy emrave, Fate Velaj dhe Ermal Dredha. Mësohet se Rama ka dalë jashtë nga salla ku po zhvillohet votimi.