Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Shkrihet SHIU i Sali Berishës, përgjoi krerët e PS dhe ambasadorët, shkarkohen militantët e PD që u punësuan për fushatë

Shkrihet SHIU i Sali Berishës, përgjoi krerët e PS dhe ambasadorët, shkarkohen militantët e PD që u punësuan për fushatë

Postuar: 08/02/2014 - 10:58

Bie një tjetër shërbim spiunazhi i Sali Berishës. Shkrihet Shërbimi Informativ i Ushtrisë, struktura famëkeqe e përdorur nga Arben Imami dhe Ylli Zyla për të përgjuar krerët e Partisë Socialiste, drejtues të institucioneve të pavarura, gazetarë, botues mediash, biznesmenë, deputetë dhe figura të dyshimta të PD për llogari të një njeriu, Sali Berishës. Një pjesë e spiunëve të Sali Berishës në këtë shërbim janë shkarkuar, ndërsa shumë të tjerë janë përfshirë në skemën e pritjes. Shërbimi Informativ Shtetëror, i quajtur ndryshe me ligjin e ri, Agjencia e Inteligjencës së Mbrojtjes, po i nënshtrohet tashmë një reformimi të thellë dhe radikal, sa i takon burimeve njerëzore. Katër muaj pas marrjes së detyrës, ministrja e Mbrojtjes, Mimi Kodheli, në kuadër të reformës në piramidën e Ushtrisë, ka hapur dosjet e rekrutimeve të dyshimta dhe të paligjshme në Agjencinë Inteligjente të Mbrojtjes. Kështu, shumë kamikazë të Partisë Demokratike, të rekrutuar gjatë fushatës elektorale, si pjesë e Shërbimit Informativ të Ushtrisë, mësohet se kanë kaluar në listë pritje, për t’u larguar më pas gradualisht nga ky shërbim kyç për Forcat e Armatosura.
 
Sipas burimeve, dhjetëra militantë të rekrutuar me urdhër të Arben Imamit në SHIU, për llogari të qarta elektorale dhe klienteliste, janё në shënjestër të fshesës. Gjithçka ka ardhur pas degradimit të Shërbimit Informativ të Ushtrisë pas ngjarjeve të 21 Janarit, por edhe pas disa shqetësimeve të shërbimeve partnere. Ndërkaq, Ministria e Mbrojtjes ka hapur dyert për rekrutime të reja, ku dhjetëra kandidatë të rinj do t’i nënshtrohen trajnimeve për t’u bërë më pas pjesë e Agjencisë së Inteligjencës së Mbrojtjes. Punonjësit ushtarakë të Agjencisë së Inteligjencës së Mbrojtjes përzgjidhen nga komisioni i testimit në bazë të përmbushjes së kritereve të përgjithshme dhe të veçanta. Por, pranimi në Agjencinë e Inteligjencës së Mbrojtjes mund të kryhet pa konkurrim, në raste të veçanta, me propozimin e Drejtorit të Përgjithshëm dhe me urdhër të Ministrit të Mbrojtjes. Mazhoranca po aplikon të dyja format për të nxjerrë këtë shërbim nga duart e Sali Berishës. Por, si ra SHIU në duart e Berishës? Në kushtet kur amerikanët nuk e lejuan Berishën të kapte Shërbimin Informativ Shtetëror duke shkarkuar Bahri Shaqirin, Berish6a e zëvendësoi SHISH me SHIU. SHIU doli jashtë misionit, duke marrë kompetencat e SHISH, për interesa të Berishës. 
 
Roli i ministrit 
 
Sipas nenit 8 të ligjit për “Për Agjencinë e Inteligjencës së Mbrojtjes”, ministri i Mbrojtjes, brenda drejtimeve kryesore të politikës së përgjithshme shtetërore dhe bazuar në misionin e Forcave të Armatosura, drejton, nën përgjegjësinë e tij, veprimtarinë e Agjencisë së Inteligjencës së Mbrojtjes. Ministri i Mbrojtjes përcakton politikat e Agjencisë së Inteligjencës së Mbrojtjes, në përputhje me politikat shtetërore, duke siguruar bashkërendimin ndërmjet kësaj agjencie dhe komponentëve të tjerë të inteligjencës në fushën e mbrojtjes dhe në Forcat e Armatosura, si dhe në marrëdhëniet me institucionet e tjera brenda dhe jashtë vendit. Adriatik Doçi 
 
 
 

/Agjensia e Lajmeve Sot News/

Na Beni Like Ne Facebook: 
Total votes: 27

Lajme nga e njejta kategori

Postuar: 16/01/2018 - 20:02

Pas deklaratës së Ministrisë së Brendshme nënjë status në faqen e tij të ‘Facebook’-ut Arben Ristani, shtoi se PD ka thënë vetëm të vërtetën për policinë.

Postuar: 16/01/2018 - 19:19

Kreu i Partisë për Drejtësi, Integrim dhe Unitet, Shpëtim Idrizi që nuk arriti të siguronte mandatin e deputetit në zgjedhjet e 25 qershorit, flet për kulisa politikë që sipas t

Postuar: 16/01/2018 - 17:59

Një nga kritikët e tij i cili u la jashtë listët së kandidatëve për zgjedhjet e 25 qershorit Astrit Patozi ka ironizuar sërish kreun e opozitës Lulzim Basha në rrjetin e tij soc

Postuar: 16/01/2018 - 17:05

Vrasjen e Oliver Ivanoviç, ish-kryeministri Berisha e ka konsideruar si një akt të rëndë me prapavija politike.

Postuar: 16/01/2018 - 16:39

Kreu i grupit parlamentar të Lëvizjes Socialiste për Integrim, Petrit Vasili në një koment në rrjetin social “Facebook”, e konsideron të vdekur Reformën në Drej

Postuar: 16/01/2018 - 15:43

Ish-kryetarja e Parlamentit, Jozefina Topalli në një intervistë në Report Tv, komenton zhvillimet në kampin opozitar, ndërsa zbulon edhe projektet e saj.

Postuar: 16/01/2018 - 15:20

Kreu i PD-së Lulzim Basha ka dënuar vrasjen e ndodhur mëngjesin e sotëm në Mitrovicë, ku u qëllua për vdekje Oliver Ivanoviç.