“Shqipëria është tronditur nga shumë përmbysje politike”/ Reagon ish-ambasadori i njohur në KiE dhe tregon sfidat e forta: Ka ende punë për të bërë

110 vjetori i pavarësisë së vendit, për diplomatin dhe ish-ambasadorin e Shqipërisë në KiE, Lisen Bashkurti, e gjen vendin në sfida të shumta.

Në “MCN live”, Bashkurti, vlerësoj se përgjatë një shekulli, vendi u përballë me tronditje të shumta politike porse ka para vetës shumë punë për të bërë.

"110 vjet në historinë Shqipërisë nuk kanë qenë gjithaq efektive, për faktin se Shqipëria është tronditur nga shumë përmbysje politike, nga shumë lëvizje revolucionare anarkiste, por edhe nga procese, shumë retrograde me interesat e saj gjeo-politike strategjike kombëtare.

Kështu që këto 110 vjet histori mund të përmblidhen në pak vite, për nga pikëpamja e progresit dhe e suksesit politike, institucional, ekonomik dhe shoqëror.

Megjithatë duke pas parasysh se 110 vjet nuk janë edhe jo shumë në historinë e popujve dhe të kombeve, mund të themi se në një shekull e ca, Shqipëria më në fund arrti të krijoj një shtet të qëndrueshme, që në njëfarë mënyre arriti të përballoj sfidat e shumta, ka pasur luftërat ballkanike, krizat e Ballkanit dhe në të gjitha këto, Shqipëria ka pasur pjesën e saj, por ka shumë punë për të bërë", u shpreh në fjalën e tij ish ambasadori i Shqipërisë.