"Shqipëria ta harrojë...", analisti zbulon deklaratën e Yuri Kim në takimet me përfaqësues të partive politike

Analisti Erl Murati, në rubrikën “Opinion” ka deklaruar se sjelljet e javëve të fundit të kryeministrit Edi Rama, mund të cilësohen si sovraniste, referuar edhe asaj që e konsideroi incident diplomatik, për mos marrjen pjesë të kreut të shtetit në një takim me ambasadoren amerikane Yuri Kim.

Murati u shpreh se ndërkombëtarët janë kundër ligjit për amnistinë fiskale, ndërsa ka zbuluar një detaj në lidhje me një takim të pak javëve më parë të ambasadores Yuri Kim dhe përfaqësues të partive politike në vend.

“Rama luan blof premton dhe e di që e ka të pamundur të sigurojë votat, nën deklaratat e BE dhe SHBA që kanë deklaruar se nuk e mbështesin ligjin. Kam informacione se në takimin e Yuri Kim në KQZ me përfaqësues të partive politike pak javë më parë ka dhënë mesazhin që Shqipëria duhet ta harrojë Amnistinë Fiskale, sepse rrezikohet futja e parave të pista nga shtete jo mike.

Edhe në intervistën e mbrëmshme tha se duhet të kemi kujdes sepse futja e parave të pista mban vendin larg BE-së. Nuk e kemi luksin t’ja përplasin fytyrës këshillat as BE dhe sa SHBA. E gjej të vështirë që Rama të sigurojë 84 vota për të miratuar ligjin, aq më tepër nëse nuk ka mbështetjen e BE dhe SHBA. Është e vështirë edhe për një akrobat votash. Mungesa e Ramës në takim me ambasadoren Kim është incident, një qëndrim i fortë, nuk di pse Rama tenton javët e fundit të mbajë qendrime sovraniste që bie ndesh me politikën e jashtme të vendit në 30 vitet e fundit. është një tekë re momentit, nuk ka një thyerje të marrëdhënieve, SHBA-Shqipëri. Rama është mësuar të nbëjë incidenet të tilla. Refuzoi ftesën e Bullgarisë për vizitë dhe madje as nuk iu përgjigj zyrtarisht.

Rama është politika atipik. Ngjarje të tilla nuk duhet të cënojnë marrëdhënie mes dy vendeve. Duhet parë që incidente të tilla të mos jenë të përsëritura e të mos rrezikojë marrëdhëniet e Shqipërisë me aleatët”, tha ai.

Murati ka folur edhe në lidhje me vendimin e kryeministrit për të shtyrë datën e aplikimit të rritjes së energjisë elektrike.

“Lajm fantastik për konsumatorët fakti që nuk do të tarifohen katërfish. Deri tani Rama nuk premtoi se kjo nuk do të ndodhte në të ardhmen, por mund të ketë ndodhur falë presionit publik, vendimtar e kryesor. Kjo ndodh në çdo demokraci normale. Qeveria duhet të dëgjojë zërin e popullit. Nga pikëpamja e zhvillimit politik, rritja 4 fish është e papranueshme kur kemi ende një nga çmimet më të larta në Ballkan.

Nuk është e vërtetë kur Rama thotë rritja prek vetëm 4 përqind të konsumatorëve kur ekspertët thonë është më shumë se 10 përqind. Është një truk. Në tetor kur i referohet kryeministri nuk ka nevojë për ngrohje, por kur vjen i ftohti kjo përqindje rritet, të paktën dyfishohet, Është i pasinqerta kryeministri.

Presioni publike politik ka ndikuar në këtë vendim. Uroj që Shqipëria të ketë kushtet hidrike që çmimi të mos ndryshojë, duke iu referuar ehe krizës ekonomike. Jemi një nga vendet më të varfra në Europë. Rritja e çmimit dhe inflacioni, që unë mendoj që është dy shifror pavarësisht asaj që thotë qeveria.

Inflacioni real që godet xhepin e shqiptarëve, janë me rritje dy shifrore. Për momentin kemi një lajm të mirë. Jemi në mes të një situate të vështirë”, tha ai.

Murati u deklaruar edhe në lidhje me protestën dhe gjendjen në të cilën gjendet opozita sot.

Ai u shpreh se opozita nuk ka asnjë zgjidhje përveçse të shkojë në zgjedhje me kandidatë të përbashkët.

“Opozita bën gabim që karikon që në shtator do të ndodhë kataklizma. Protestat janë mjet normal demokratik, por ishte e gabuar që opozita la të kuptohet që në shtator do të bjerë qeveria. Pezullimi i protestave, lëvizje taktike e opozitës. Strategji politike. Nuk ka shumë rëndësi për mua nëse protestat bëhen brenda apo jashtë shtatorit.

Opozita duhet të dalë me kandidatë të përbashkët, nuk ka rrugë tjetër. nuk ka luksin që të veprohet si deri tani, është në një situatë që PD është në vitin e 10 të opozitës dhe në kohën kur Basha ishte në detyrë nuk kishte rezultate të mira në zgjedhje. Zgjedhje e diktuar dhe natyrale dalja me kandidatë të përbashkët. Duhet të bëhet një hapje reale përtej mbështetësve të flaktë dhe duhet një proces demokratik i primareve. Të mos dalin kandidatët nga zyra e kryetarit e Kryesisë”, tha Murati.