“Është kriminale”/ Blendi Fevziu sulmon drejtpërdrejt Ilir Metën: Një lloj kafshe politike...

Blendi Fevziu në emisionin ‘Të Paekspozuarit’ në MCN TV deklaroi se Ilir Meta ka një parti votash të cilat nëse do i ruajë, ato vota do jenë jetike për opozitën. Ai tha se votat e Metës për të përcaktuar një fitore të opozitës janë të domosdoshme.

“Mendoj se Ilir Meta ka një parti votash që do përcaktojë sa janë. Dhe ne se dimë se sa është rezervuari i Partisë së Lirisë dhe se dimë se sa do ta riaktivizojë elektoratin e tij. Meta është një njeri, lloj kafshe politike dhe nëse do ti ruajë këto vota ato janë jetike për opozitën. Votat e Ilir Metës për të përcaktuar një fitore të opozitës janë të domosdoshme e do apo jo Ilir Metën”, tha Fevziu.

Ndërsa lidhur me përfshirjen e bandave kriminale në fushatë, Fevziu e cilësoi si katastrofë.

“Përfshirja e bandave në zgjedhje është katastrofë. E dyta kam një bindje të fortë që nuk të japin vota por më shumë të dëmtojnë. Në Tiranë për shembull të mendosh se do marrësh vota me banda është e pamundur, prandaj i drejtohem çdo politikani se tentativa për të përfshirë persona kriminalë në zgjedhje është kriminale”, u shpreh Fevziu.