“Është shenjë sëmundjeje mendore. Është i rrezikshëm ky”, Spartak Ngjela përplaset ashpër me Arlind Qorrin: Ti nuk je Aristoteli, komentator politik je

Pas përplasjes me Lisandër Hoxhën, avokati Spartak Ngjela u përball në Politiko në Top Neës këtë të premte edhe me Arlind Qorin të “Organizatës Politike”.

“Ky është i sëmurë. Shiko si zverdhet. Është shenjë sëmundjeje mendore. Është i rrezikshëm ky”, iu drejtua ai moderatorit Alfred Lela gjatë diskutimeve.

Debati nisi mbi marksizmin dhe oligarkët.

“Ti je injorant prandaj s’e di që marksizmi nuk flet për oligarkët. Marksizmi flet për borgjezët dhe borgjezi. Për oligarkët flet liberalizimi. Po ti mirë që nuk paske lexuar Marksin, po s’paske lexuar as për liberalizimin”, iu kthye Arlind Qori.

“Kemi ardhur të diskutojmë politikisht këtu. Ti nuk je Aristoteli, komentator politik je”, vijoi ai.

“Politika nga avokatia vjen. Në perëndim të gjithë deputetët vijnë nga avokatia”, u shpreh Ngjela, që tha se në studio ishte ftuar si avokat.