Situata e Covid-19/ Petrit Vasili bën reagimin e fortë, zbulon çfarë u ka thënë disa kolegëve të tij mjekë

Numri dy i LSI, Petrit Vasili, bëri sot një deklaratë të fortë ku tha se “çdo shpërdorim i mjekëve në funksion të politikës, është kriminal”.

“Propaganda në Shqipëri është kthyer në profesion vitet e fundit. Mjekët kanë detyrë të bëjnë punën e vet dhe respekt për punën që kanë bërë.

E vetmja këshillë që i kam thënë kolegëve është se kur nuk mund të thonë të vërtetat, të mos i fshehin ato. Prandaj qytetarët nuk janë solidarë sot.

Nuk i mbajnë maskat pasi e mbajnë mend kryeministrin se çfarë thonte për maskat. Opozita ka dhënë këshilla konkrete, profesionale dhe dashamirëse, por përballë kanë pasur psikopatinë e kryeministrit që bën kokëfortin dhe triumfatorin”, theksoi Vasili në A2.