Situata në PD "fut në sherr" Arian Çanin me Manjanin dhe Mërtirin: Mua s’më manipulojnë dot, thjesht lojë

Situata në PD dhe reagimi i Ambasadës Amerikane, ishte temë diskutimi mbrëmjen e kësaj të enjtje në emisionin “Now” në Euronews Albania. Gazetari Arian Çani ka debatuar me analistët Ergys Mërtiri dhe Ylli Manjani për drejtimin e PD. Çani u është drejtuar duke u thënë se qëllimi justifikon mjetin, referuar bashkëpunimit të mundshëm që mund të ketë Lulzim Basha me Edi Ramën për të nxjerrë jashtë loje Sali Berishën.

Pjesë nga biseda:

Arian Çani: Unë nuk manipulohem nga askush. Jemi njerëz të medias. Ergys, ne jemi spektatorë dhe kemi të drejtë që ta komentojmë lojën.

Arian Çani: Lul Basha ka të drejtë të bëjë gjëra më të rënda se kaq, bile pak po bën. Në politikë nuk ka kufij, qëllimi justifikon mjetin. Nëse është e vërtetë që Basha bashkëpunon me Ramën që të nxjerrë jashtë loje Berishën, duhet ta bëjë sa më shpejtë, se erdhi 2025. Basha ka të drejtë të ketë ambicie.

Ylli Manjani: Basha të dalë me parti të veten dhe jo me partinë që krijoi Berisha, është gafë e rëndë. Le të krijohen parti të reja.