BREAKING NEWS

Gati të plasë  “Lufta e Tretë Botërore”, Suedia e Finlanda përgatiten për konflikt me Rusinë

Gati të plasë  “Lufta e Tretë Botërore”,
x
BREAKING NEWS

Humbje e madhe! “I pari në fushatën elektorale, i fundit u largua deri sa numëroi të gjithë votat”/ Ina Zhupa mes dhimbjes ndan lajmin e trishtë: Një nga djemtë më të mirë! Po na plas zemra

Humbje e madhe! “I pari në fushatën elektorale, i fundit u
x
BREAKING NEWS

Humbi jetën nga rrëzimi i tendës së kalçetos, i riu nipi i deputetit të njohur të PD-së, rrëqeth me mesazhin politikani dhe jep lajmin tronditës: Më fal Armando…

Humbi jetën nga rrëzimi i tendës së kalçetos, i riu
x
BREAKING NEWS

Tragjike/ Moti i keq i merr jetën të riut, ky është 22-vjeçari që vdiq mbrëmjen e sotme në Sarandë

Tragjike/ Moti i keq i merr jetën të riut, ky është
x
BREAKING NEWS

Emri/ Stuhia rrëzoi tendën e kalçetos në Sarandë, ndërron jetë në spital 22-vjeçari

Emri/ Stuhia rrëzoi tendën e kalçetos në Sarandë,
x
BREAKING NEWS

Tirana po ‘digjet’ nga temperaturat e larta, ndërsa në Sarandë shiu bën namin, ja mbathin pushuesit

Tirana po ‘digjet’ nga temperaturat e larta, ndërsa në
x
BREAKING NEWS

U vra me plumb në kokë/ Zbardhen detaje të reja, ja kujt i përkiste trupi i dekompozuar në Malin e Gramozit (Emri)

U vra me plumb në kokë/ Zbardhen detaje të reja, ja kujt i
x
BREAKING NEWS

Kryeministri holandez habit me deklaratën: Gati u kapëm fizikisht me Ramën në Sofje, Shqipëria ka probleme me...

Kryeministri holandez habit me deklaratën: Gati u kapëm fizikisht me
x

Politike

Skandal, “Foltorja” nuk paguan dot pagat e administratës së SHQUP, rrezikon t’i ndërpriten dritat dhe uji, “Rithemelimi” nuk njihet nga institucionet

Skandal, “Foltorja” nuk paguan dot pagat e administratës

Uzurpimi i Partisë Demorkatike pa pritur ende të flasë gjykata nga ana e Grupit të Rithemelimit duket se i ka hapur telashe ish-kryeministrit Sali Berisha. Ky i fundit pasi gjyqtari Agron Zhukri përmes një vendimi të paprecedent nxitoi dhe mori në kontroll selinë blu, ndërkohë që gazeta ka mësuar se “Foltorja” e tij është përfshirë në një skandal. Sot që flasim vendimi i Zhukrit nuk ka asnjë fuqi prapavepruese dhe gjithë institucionet njohin si kryetar të PD, Enkelejd Alibeajn, ndërsa Sekretar të Përgjithshëm, Gazment Bardhin, për shkak se palët janë ende në një proces gjyqësor. Mirëpo ky fakt, ka bërë që Sali Berishës t’i shtohet dhimbja e kokës. Gazeta ka mësuar se “Foltorja” nuk paguan dot pagat e administratës së Partisë Demorkatike, ndërsa rrezikon t’i ndërpriten edhe dritat dhe uji i selisë së PD njohur ndryshe si SHQUP, pasi “Rithemelimi” nuk njihet nga institucionet shqiptare. Mësohet se aksesin për të hedhur firmën në dokumente e ka Sekretari i Përgjithshëm në detyrë i Partisë Demokratike, Gazment Bardhi dhe në rast se ky i fundit refuzon të bashkëpunojë, administrata e PD rrezikon të dalë në rrugë të madhe, ndërkohë që godina blu rrezikon të mbetet në errësirë të plotë. Pra nisur nga këto detaje që ka mësuar gazeta, “Foltorja” pritet të përfshihet nga një skandal, i cili do ta thellojë edhe më shumë krizën brenda Partisë Demorkatike, duke qenë se në bazë dhe qendër ajo është prezente prej disa muajsh.

Bardhi ironizon “Foltoren”

Megjithatë një lajm të kësaj natyre e ka zbuluar edhe deputeti i PD-së, Gazment Bardhi, i cili ka bërë ironi me Komisionin e Rithemelimit, që sipas tij, i kërkon ende që të firmosë për të paguar dritat dhe ujin e selisë së Partisë Demokratike. “Këta që janë drejtues të partisë, nuk paguajnë dot dritat dhe, ujin dhe rrogën e administratës së Partisë Demokratike se nuk i njeh asnjë institucion. Më kërkojnë mua të firmos për energjinë elektrike që harxhojnë këta në godinën PD. Po flasim për statusin e shumicës së anëtarësisë. Kjo do të duhet të verifikohet. Shumica do të duhet të ketë vulën në një proces të përbashkët që përcakton se kush është shumica”, deklaroi Bardhi. Kujtojmë që ish-kryeministri Sali Berisha ka uzurpuar Partinë Demorkatike, duke shkelur ligjet e vendit, për shkak se vendimi i Agron Zhukrit nuk ka fuqi prapavepruese, pasi nuk është i formës së prerë. Madje edhe logo e përdorur nga Grupi i Rithemelimit nuk është e njohur nga asnje institucion dhe aq me pak vula, çka tregon se jemi përpara një skandali.

Sula: Berisha po nxiton si Basha, ‘Rithemelimi’ do të uzurpojë PD

Më herët edhe deputeti i Partisë Demokratike, Dashnor Sula ka hedhur akuza në adresë të ish-kryeministrit Sali Berisha, i cili sipas tij, po nxiton njësoj si Lulzim Basha një vit më parë për zgjedhjen e kryetarit të ri të PD-së. Teksa ishte i ftuar në një studio televizive, Sula theksoi se i gjithë ky “nxitim” është një strategji i “Rithemelimit” për të uzurpuar Partinë Demokratike. Sipas Sulës, si fillimi “Rithemelimi” duhet të kishte ulur gjakrat, më pas të futej në zgjedhje për kryetarin e ri të PD. “Është tamam e njëjta situatë e 13 qershorit të 2021, nxitim dhe vetëm nxitim, për t’i kryer gjërat me vrap. E njëjta gjë po ndodh sërish. Një politikan që i do të mirën PD, nuk mund të nxitojë. Çfarë nxitimi ka? Pse nuk e lamë procesin të zgjatej? Duhet të uleshin gjakrat, pastaj të bënin zgjedhjet. Kjo është një strategji e ‘Rithemelimit” për të uzurpuar Partinë Demokratike”, deklaroi ai. Më tej deputeti theksoi se fati i PD do të përcaktohet pas vendimit të apelit, ndërsa shtoi se nuk do të behej asnjëherë pjesë e “Rithemelimit”, nëse frymë brenda grupim. “Shpresat për PD po venitet ditë pas dite për një bashkim të palëve. Mbas vendimit në apel, nga aty do të fillojë një periudhë e re për PD. Nëse struktura “poshtë” nuk do të përfaqësohen, do të duhet të përfaqësohen. Kjo nuk ndodh me një bashkim artificial. Unë nuk i bashkohem “Rithemelimit” në këto rrethana, nëse nuk reflektohet. Nuk ekziston vullneti për bashkim. Pala e ‘Rithemelimit” ka më shumë faj se tjetra. Po sillet me arrogancë”, nënvizoi Sula.