Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Skandali i radhës/ Bashkia e Tiranës jep dy leje ndërtimi mbi truallin e deputetit nga Kosova

Postuar: 12/02/2019 - 19:25

Ka disa ditë që ka filluar debati mes kryebashkiakut Erion Veliaj dhe biznesnebit-deputet në parlamentin e Kosovës, Ramiz Kelmendi. Sot Partia Demokratike pyet kryebashkiakun se pse ka dhënë lëjë për ndërtimin e një qendre tregtare, mbi një truall për të cilin kishte projekt.Kelmendi hodhi akuza të rënda ndaj Veliaj, për të cilin deklaroi se i kërkon pronën me vlerë 5 milion euro si dhuratë. Bashkia u mbrojt me argumentin se interesi i qytetarëve prevalon mbi gjithçka.

Deputeti biznesmen nga Kosova akuzon për mashtrim Veliajn: Bashkia shantazh ndaj kompanisë, kërkon dhuratë pronën 5 milion euroshe

Reagimi i PD:

PËRSE MIRATOI LEJE NDËRTIMI VELIAJ NË NJË TRUALL PËR TË CILIN KISHTE PROJEKT?!

Dje z. Ramazan Kelmendi, me anë të letrës publike drejtuar kryetarit të Bashkisë Tiranë, akuzonte këtë të fundit për ndërhyrje të paligjshme, duke pezulluar punimet e ndërtimit, ndërtim për të cilin vetë ky institucion ka miratuar leje ndërtimi në 31 tetor 2018.

Pa hyrë në themel të konfliktit mes palës private dhe palës shtetërore, nga verifikimet rezultojnë fakte për të cilat Bashkia Tiranë ka detyrimin ligjor të japë shpjegime.

Së pari, për zonën në fjalë, (Mëzez, kthesa e Kamzës) qysh në 2013 është në fuqi projekti i financuar nga IFC për ndërtimin e një terminali multimodal. http://acp.al/projects/119/Terminali-Multimodal/

Pikërisht në zonën objekt i projektit, në 31 tetor 2018, Bashkia Tiranë ka miratuar leje ndërtimi për qendër tregtare, në favor të shoqërisë “Elkos” shpk.

Shoqëria përfituese e Lejes së sipërpërmendur, në vijim të miratimit të saj dhe në përputhje me detyrimin ligjor, ka kryer pagesën e taksës së ndikimit në infrastrukturë, me vlerë 157,977,643 lekë (1,25 mln Euro).

Në reagimin e tij kryetari i Bashkisë Tiranë tërthorazi pranoi se leja e ndërtimit e lëshuar prej tij, nuk mund të zbatohet. Për këtë ai përmendi falsifikime dokumentash e marifete.
Por në të vërtetë Bashkia Tiranë në 2016 ka qenë pjesë e procesit të njohjes të pronësisë, duke kryer ajo vetë afishimin publik, me fuqi ligjore pranë Njësisë Administrative Kashar.

Së dyti, siç u përmend më sipër dhe siç e pohoi vetë titullari i institucionit, për këtë zonë ka një projekt në fuqi. Vetë z. Veliaj pohoi vullnetin për zbatimin e tij.
Pyetjet që lindin natyrshëm janë:
Përse Bashkia Tiranë miratoi leje ndërtimi në zonë për të cilën ka një projekt që pret të zbatohet?

Përse Bashkia Tiranë pranoi edhe pagesën e taksës prej 1,2 mln euro nga subjekti privat kur nuk kishte vullnet të lejonte zbatimin e lejes së miratuar nga ajo vetë?

Kush mban përgjegjësi për shkeljet e të drejtave që gëzon subjekti privat, të drejta të cilat i ka fituar duke respektuar procedurat ligjore?

Përpara një skandali të tillë shumëplanëshe, reagimet e z. Veliaj janë thellësisht të pamjaftueshme për të justifikuar ligjërisht shkelje, të cilat konfigurojnë vepër të pastër penale.
A ka një informacion të përgjithshëm kryetari i Bashkisë Tiranë se sa vite heqje lirie rrezikon për veprën penale që ka konsumuar?

Edhe pse shpresëpak, mbetemi në pritje të një reagimi serioz të autorit të këtij shpërdorimi me detyrën dhe cënimi të të drejtave të njeriut.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 21/04/2019 - 22:31

Avokat Spartak Ngjela jep alarmin se Shqipëria është e rrezikuar nga ndikimi rus. Avokat Ngjela zbardh planin e Rusisë për të shtrirë ndikimin e saj në Shqipëri dhe në të gjithë Ballkanin.

Postuar: 21/04/2019 - 22:23

Lideri demokrat Lulzim Basha ka reaguar lidhur me sulmet terroriste të ndodhura në Sri Lanka ku

Postuar: 21/04/2019 - 21:04

Kryetari i Partisë Demokratike, Lulzim Basha, pritet që ditën e hënë të mbledhë në orën 11:00 Kol

Postuar: 21/04/2019 - 20:41

Ish-deputeti demokrat, Gent Strazimiri, ka ironizuar në një postim në rrjet atë që konsiderohet

Postuar: 21/04/2019 - 20:10

Ish-deputeti i Lëvizjes Socialiste për Integrim, Petrit Vasili, shkruan se Edi Rama ka marrë nga

Postuar: 21/04/2019 - 19:35

Të ndodhur në një kohë kur ngërçi politik vijon duke mos pasur një marrëveshje mes palëve pozitë-

Postuar: 21/04/2019 - 19:12

Ish-kryeministri  Sali Berisha ka uruar sot të gjithë besimtarët katolikë me rastin e Pash