Skandali me agjentin e FBI dhe takimet me Ramën/ "Gjiknuri një pikë kontakti e fortë me…", gazetari Hoxha zbardh detaje nga dosja: Ulëritëse! Të hapet hetim këtu, kryeministri duhet të kishte dhënë dorëheqjen!

Për gazetarin Poli Hoxha, kryeministri Edi Rama duhet të kishte dhënë dorëheqjen pas zbulimit të skandalit të ish agjentit të FBI dhe takimeve që ai ka pasur me kryeministrin Edi Rama.

Në dosjen të bërë publike në media, Hoxha shton se janë dhënë 225 mijë euro për të implikuar opozitën në vitin 2017.

Hoxha: Ekzistojnë dy akte padi që kanë të bëjnë me lidhjen e ish zyrtarit të FBI me oligarkun rus për ta hequr nga lista e zezë dhe është një çështje tjetër që ka të bëjë me Shqipërinë,  Ballkanin dhe shkeljen rregullave, ku dalin marrëdhëniet e tij me kryeministin dhe njerëz pranë tij. Janë 225 mijë dollarë që janë paguar për hapjen e këtij hetimi të kësaj zyre lobimi të hapur nga Basha, për të implikuar opozitën në Shqipëri. Ka nisur një tip hetimi atje.

Është ulëritëse hapja e një hetimi këtu, gjykimi në Uashingron merret vetëm me cështjen e ish zyrtarit. Ata do merren në SHBA vetëm me shkeljen që ka bërë ky. Dosja ka elementë që janë marrë nga një super pergjim ose nga ndonjë person që është protagonist. Aty ka indicie të pafundme që duhet të nis një hetim.

Më tej drejtori i AlfaPress tha për gazetaren Xhilda Kondi se në dosje kanë dalë edhe takimet që kryeministri Edi Rama ka pasur me McGonigal dhe se ky i fundit ka qenë i implikuar me biznesmenin e sanksionuar nga SHBA.

Hoxha: Kemi darka të kryeministrit, sekrete por më interesantja është se nuk kemi vetëm një marrëdhënie të 225 mijë dollarëve.  Më e rëndë është se kemi të bëjmë se ky person, në dosjen tjetër ka qenë i implikuar me biznesmenin e sanksionuar nga SHBA.

Duhet një hetim  i thelluar këtu, nga ana morale duhet të kishte dhënë dorëheqjen.

Damiani është një pikë kontakti shumë  e fortë me Nezën, Duckën dhe edhe me ish agjentin e FBI. Ai ka hyrë në një marrëdhënie biznesi, ka qenë edhe i lidhur shumë me oligarkët rusë.