BREAKING NEWS

E rëndë në Tiranë, burri i jep fund jetës, hidhet nga kati i katër i pallatit

E rëndë në Tiranë, burri i jep fund jetës, hidhet nga
x
BREAKING NEWS

“Sot ditë e frikshme! Mund të ketë skenarë për viktima!”, Frrok Çupi del me paralajmërimin ‘bombë’ për protestën e Sali Berishës: Ai nuk kthehet pa një trofe!

“Sot ditë e frikshme! Mund të ketë skenarë për
x
BREAKING NEWS

Berisha dhe LSI i hedhin “benzinë” zjarrit dhe paralajmërojnë trazira gjatë protestës së sotme, sulmojnë Ramën dhe i kërkojnë të mos provokojë protestuesit, Noka kërcënon policinë

Berisha dhe LSI i hedhin “benzinë” zjarrit dhe
x
BREAKING NEWS

Informacione ‘sekrete’ për t’u futur në godinën e Parlamentit apo skenar dhune? Shikoni çfarë po ndodh në tarracën e Kuvendit disa orë para protestës së opozitës (VIDEO)

Informacione ‘sekrete’ për t’u futur në godinën
x
BREAKING NEWS

Berisha 2 orë tubim para Kryeministrisë, policia përgatitet për skenare dhune, ja çfarë do të ndodhë sot në protestë dhe lëvizja e papritur e Ramës

Berisha 2 orë tubim para Kryeministrisë, policia përgatitet
x
BREAKING NEWS

130 deputetë në panik nga dosjet e Sigurimit të Shtetit, refuzojnë hapjen e dosjeve, 71 zyrtarë që aplikuan për SPAK rezultuan “spiunë

130 deputetë në panik nga dosjet e Sigurimit të Shtetit,
x
BREAKING NEWS

SPAK del me njoftimin e fundit: Dërgohen në GJKKO 25 kriminelë! Ja sa para janë sekuestruar

SPAK del me njoftimin e fundit: Dërgohen në GJKKO 25 kriminelë!
x
BREAKING NEWS

Tension i lartë në Baltik, orët vendimtare që mund të parandalojnë një “Luftë të Tretë Botërore”, ja 3 shtetet ku mund të shpërthejë një konflikt i armatosur

Tension i lartë në Baltik, orët vendimtare që mund të
x

Politike

Socialistët të vendosur për të zgjedhur Kreun e ri të Shtetit pa opozitën, presidenti i ri do jetë një grua, ja kush janë kandidatet që përfliten

Socialistët të vendosur për të zgjedhur Kreun e ri të

Presidenti i ri i Shqipërisë nuk do të zgjidhet as raundin e dytë. Asnjë prej forcave politike nuk paraqiti ndonjë kandidaturë për kryetarin e ri të shtetit shqiptar teksa skadoi afati për regjistrimin e emrave për pasuesin e Ilir Metës në orën 16:00. Për rrjedhojë, sot do të jetë sërish seancë rutinë si ajo e raundit të parë në 16 maj, e cila zgjati vetëm 3 minuta. Sipas Kushtetutës, edhe nëse nuk ka votohet asnjë emër i nominuar për drejtuesin e ri të Shqipërisë, seanca shënohet si raund formal. Partisë Demokratike i mbetet vetëm një raund tjetër për të ofruar emrat e vetë për t’u votuar president. Në raundet 4 dhe 5, mazhoranca do të propozojë dhe votojë kandidaturat e veta.
Balla: Në raundin e katërt e zgjedhim ne presidentin/en.
Kryetari i grupit parlamentar të PS, Taulant Balla bëri me dije se nëse digjet dhe raundi i tretë për zgjedhjen e presidentit, drejtuesi/drejtuesja e re e shtetit shqiptar do të zgjidhet në raundin e katërt, me votat e Partisë Socialiste dhe pa konsensusin e opozitës po qene nevoja. Nga qyteti i  Fierit, Balla shprehu keqardhje që PD dhe aletatët e saj nuk po ofrojnë kandidaturat e veta për president. Ai shtoi se dhe në raundin e tretë PD zyrtare ka mundësinë e propozimit të emrave për pasuesin e Ilir Metës në krye të Presidencës, ndërsa zbuloi se pasuesi i Metës mund të jetë një grua. Gazeta ka mësuar se janë katër emra grash që lakohen në korridoret e PS për të qenë kandidate për presidente, sikundër janë Ina Rama, Vali Bizhga, vajza e Ismail Kadares, Besiana Kadare dhe Valdete Sala. Madje emrin fundit e ka pohuar edhe ish-kryeministri Sali Berisha. “Konstatoj me keqardhje që nga ana e opozitës nuk ka një qasje për të marrë përgjegjësinë për të propozuar zyrtarisht kandidatura. Nuk e kuptoj pse PD si grupi më i madh në Kuvend u tërhoq nga një proces për të sjellë kandidatura. Ne e respektojmë marrëveshjen që kemi rënë dakord me grupin parlamentar të PD dhe grupet e tjera që dy raundet janë raunde që i takojnë propozimit për kandidat për president nga opozita. Nëse opozita dhe në raundin e tretë nuk vendos që të marrë pjesë në proces, natyrshëm që në raundin e 4 do të zgjidhet presidenti apo presidentja e re e Republikës”, tha ai.
Agalliu: PS ndryshoi qëndrim për shkak të kandidatëve tanë
Sekretari i grupit parlamentar të PD, Arbi Agalliu reagoi në emër të selisë blu lidhur me deklaratat paraprake të eksponentit socialist Taulant Balla. Në rrjetet sociale, deputeti demokrat i Vlorës përsëriti qëndrimin e kryetarit të përkohshëm të PD, Enkelejd Alibeajt se PS ndryshoi qëndrim për zgjedhjen e presidentit për shkak të cilësisë së lartë të 7 kandidaturave të hedhura nga PD zyrtare. Ai shtoi se mazhoranca dëshiron të zgjedhë president të njëanshëm pro-socialist dhe se këtë gjë mund ta sigurojë me vota të vjedhura dhe me ish-deputetë të shpallur “non grata” nga SHBA (Orlando Rakipi dhe Sajmir Hasalla). “Taulant Balla u tërhoq nga dokumenti i PD, me të cilin ai vetë ra dakord para syve të kamerave dhe shqiptarëve. Mesa duket, pasi mësuan kandidatët e propozuar nga deputetët e PD, njerëz seriozë e me integritet që nderojnë Shqipërinë, u tërhoq pa shpjegim dhe bën sikur nuk kupton. PD është për një President për të gjithë shqiptarët dhe që nderon Shqipërinë. PS kërkon President vetëm për socialistët për ta patur në xhep Rama. Këtë të dytën mund ta bëjë, me mandatet e vjedhura dhe deputetët ‘non grata’, por jo me PD”, shkruan Agalliu.
Pampuri: Rilindja do e zgjedhë presidentin si në 25 prill 2021
Edhe zëdhënësja e grupit parlamentar të PD, Orjola Pampuri sulmoi Ballën dhe PS për deklaratën ndaj selisë blu duke theksuar se ai shkeli premtimin publik se socialistët do të zgjidhnin 2 nga 4 kandidaturat e sjella nga PD zyrtare dhe më pas të zgjedhin me 20 vota deputetësh kandidatin e përbashkët për president. Pampuri shkruan në rrjetet sociale se socialistët do të veprojnë njësoj si në zgjedhjet parlamentare të 25 prillit 2021, për të cilat akuzohen se i kanë vjedhur nga opozita. Në fund, ajo nënvizon se drejtuesi i ri i shtetit do të jetë i njëanshëm socialist, por nuk do t’u shërbejë qytetarëve. “Balla na qenka i habitur se pse PD nuk paska çuar kandidat për raundin e dytë të zgjedhjes së presidentit?! Vërtet habi, sepse ai e hëngri vetë fjalën publike për të pranuar dokumentin e grupit demokrat. Por ai e ha turpin me bukë sepse së bashku me shefin e tij nuk duan president për shqiptarët, por president të zgjedhur prej xhepit të tyre, si noter për pushtetin e vjedhur. Rilindja do të bëjë atë që bëri me 25 prill 2021, të vjedhë presidentin ashtu siç vodhi mandatin qeverisës me bandat e krimit, të çertifikuar si të tillë edhe nga Departamenti i Shtetit.  Në raundin e katërt Rama do të votojë me votat e siguruara nga krimi e ‘non gratat’, presidentin, që normalisht nuk do të jetë kurrsesi i gjithë shqiptarëve”, shkruan deputetja e Tiranës, Orjola Pampuri.

Më të lexuarat