Sondazhet për fituesin e zgjedhjeve të 25 prillit, Baton Haxhiu tregon detajin që e bën të dyshojë: Unë ju besoj, por ...

Analisti Baton Haxhiu është shprehur se e mbështet përpjekjen e çdo kompanie që bën sondazhet parazgjedhore , e cila synon të masë perceptimin e publikut në raport me zgjedhjet.

 “Unë jam prej atyre përkrahësve ndaj çdo kompanie, që bën përpjekje për një çështje. Dallimi mes meje dhe Bushatit është se unë besoj që sondazhet janë mënyra më e mirë për të kuptuar se çfarë mendon popullata. Unë besoj tek metodologjia se si bëhen ato”, tha ai në Euroneës.

Haxhiu shtoi se sondazhet e bëjnë atë skeptik vetëm në një pikë: “Jam skeptik për faktin se partitë politike kur porositin sondazhet manipulojnë ato për një qëllim propagande, por jo për finalen e saj, sepse finalja nuk del kurrë nga matematika. Unë ju besoj, por jam skeptik tek pika që thashë më lart. Sondazhet tregojnë trendin, arsyeshmërinë dhe shqetësimet e popullatës”, tha ai.