Sot cirku Bardhi-Berisha zbret në Kukës, ja si dyshja anti-amerikane kërkojnë të përdorin demokratët për pazare dhe hallet e tyre personale

Deputetët demokratë në mbështetje të ish-kryeministrit Sali Berisha dhe Gazment Bardhit do të mbajnë takimin e radhës mes tyre këtë të martë. Bëhet me dije se takimi do të mbahet në qytetin e Kukësit, në kuadër të fushatës zgjedhore për zgjedhjet që do të përsëriten në këtë bashki. Ndërkohë pritet që tryeza e deputetëve të opozitës të pagëzuar tashmë si cirku Bardhi-Berisha do të zhvillohet sot në orën 12:00. Megjithatë aleanca Bardh-Berisha i ngjan më shumë një pazari, pasi këta dy individë janë kapur fort pas karrigeve të tyre, teksa imoralitetin privat të ish-kryetarit të Bashkisë së Kukësit, Safet Gjicit, të shkarkuar pas skandalit erotik, po e zëvendësojnë me imoralitetin e tyre publik e politik, që për halle personale po lënë Bashkinë e qytetit Verilindor në duart e Partisë Socialiste dhe kryeministrit Edi Rama. Kujtojmë që deputetët e grupit parlamentar të Partisë Demokratike të ish kryeministrit Berisha kanë vendosur të bashkohen, duke unifikuar aksionin e tyre parlamentar dhe politik, pas më shumë se dy vitesh përplasje mes njëri-tjetrit. Për herë të parë që nga zgjedhjet e 25 prillit, shumica e deputetëve të Partisë Demokratike janë mbledhur me 5 shtator në një tryezë të përbashkët. Takimi u thirr nga Gazment Bardhi, i cili në hyrje të fjalimit të tij, tha se është i bindur që gjërat që i ndajnë deputetët demokratë nga njëri-tjetri, janë më të vogla se ato që i bashkojnë. Qëllimi i kësaj tryeze të përbashkët është unifikimi i aksionit opozitar në Parlament, ku Bardhi theksoi se prioritet do të jetë Reforma Zgjedhore. “Ndasinë në mendime për çështjet brenda partisë nuk duhet të na shfokusojnë nga përgjegjësia që kemi ndaj qytetarëve, demokratëve dhe opozitarëve, prandaj duke ruajtur mendimin individual për debatet e brendshme, ndaj bindjen me shumicën prej jush që kjo nuk do të na pengojë që të unifikojmë një qëndrim të aksionit opozitar, duke nisur me një agjendë të përbashkët opozitare”, deklaroi pak ditë më parë Bardhi.