Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Spartak Ngjela: SPAK do të vendosë drejtësinë e munguar, të korruptuarit e frikësuar janë hedhur në destabilizim

Postuar: 11/07/2019 - 07:43

Avokati Spartak Ngjela paralajmëroi ditën e djeshme se përmes Strukturës së Posaçme Antikorrupsion në vend do të vihet drejtësia. Gjatë një interviste televizive, ai deklaroi se ngritja e SPAK është çështje ditësh, ndërsa u shpreh i sigurt që kjo strukturë do ta çojë deri në fund misionin për të luftuar korrupsionin në nivelet më të larta. “Reforma në drejtësi është drejt fundit, këto ditë del SPAK. Është drejt fundit sepse janë shqetësuar të gjitha palët dhe shumë mirë bëri që ndërhyri edhe Ruçi. SPAK do ta çojë deri në fund misionin e tij, gabime mund të bëjë, por do të ketë filtra të caktuar. SPAK do të vendosë drejtësinë. Edhe ne, edhe Kosova vuajmë për drejtësinë. Ne vetë nuk e bëjmë dot, ndërkombëtarët e morën përsipër. Pasi vendoset drejtësia, vijnë të gjitha”, deklaroi Spartak Ngjela. Sipas tij, të gjithë pushtetarët e korruptuar që e ndjejnë frikën nga SPAK po tentojnë të destabilizojnë vendin. “Këta janë të gjithë nën akuzë, luajtën për ekzistencën e tyre dhe deshën destabilizim. Por Amerika nuk mund ta lejonte këtë. Ajo ka një marrëveshje për Shqipërinë. Ata janë hedhur në destabilizim përmes korrupsionit. Është korrupsioni në Kosovë dhe korrupsioni në Shqipëri që është trembur dhe prandaj duan destabilizim dhe po tentojnë të shesin interesin kombëtar”, shtoi avokati. Duke u ndalur tek situata pas zgjedhjeve të 30 qershorit, Ngjela tha se Shqipëria është më e fortë dhe kjo është meritë e SHBA. “13 tetor nuk mund të ketë. Nëse do të flisja për 13 tetorin, atëherë hyja dhe unë në marrëzi. Shqipëria e pas 30 qershorit është më e fortë. Shteti ishte në rrezik në 30 qershor. Nuk ishte një betejë për votën e lirë, por ishte një betejë për shtetin, do ta shkatërronte korrupsioni i ngritur në reformë shtetin apo jo. Evitimi i këtij rreziku ishte meritë e politikës amerikane. Politika amerikane e ka nisur këtë proces antikorrupsion në Shqipërie dhe do ta çojë deri në fund, ne nuk e bëjmë dot këtë. Ata kanë provat. Sa herë këta bëjnë gjullurdi, ata nxjerrin provat. Këta janë të gjithë në akuza. Këta luajnë për ekzistencën e tyre dhe donin destabilizim, por kjo nuk i interesonte politikës amerikane”, tha Spartak Ngjela.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 20/07/2019 - 16:37

Zv.ministrja e Brendshme Romina Kuko, e cila njëkohësisht është edhe kryetare e Grupit Ndërinstitucional të Punës ka njoftuar se qeveria po bën përgatitjet për hapjen e Kapitullit 24, nëse hapen negociatat me BE-në.

Postuar: 20/07/2019 - 16:17

Zv.ministri i Mbrojtjes, Petro Koçi ka reaguar sa i takon dorëheqjes së Ramush Haradinajt nga pos

Postuar: 20/07/2019 - 15:35

Partia Demokratike i kërkon Prokurorisë të hetojë krimin elektoral të 30 qershorit.Opozita ka kal

Postuar: 20/07/2019 - 14:55

Kreu i LDE-së Arian Galdini ka reaguar lidhur me dorëheqjen e Ramush Haradinajt nga posti i Kryem

Postuar: 20/07/2019 - 14:51

Pas aktit të dorëheqjes së parevokueshme të Ramush Haradinaj si kryeministër i Kosovës, ka ardhur

Postuar: 20/07/2019 - 14:50

Shkarkimi i Presidentit Ilir Meta duket se nuk do të jetë një proces aspak i lehtë për mazhorancë