BREAKING NEWS

Kush e kërcënoi dhe kanosi SPAK-un? Vjen paralajmërimi i fortë i SHBA-së, ja çfarë pritet të ndodhë në vijim

Kush e kërcënoi dhe kanosi SPAK-un? Vjen paralajmërimi i
x

Politike

Taulant Muka denoncon sërish: Monika Kryemadhi ka bërë plagjiaturë me doktoraturën, ja faktet

Taulant Muka denoncon sërish: Monika Kryemadhi ka bërë

Ish-zv. ministri i Arsimit, Taulant Muka, ka deklaruar dje se dhe kryetarja e LSI Monika Kryemadhi ka bërë plagjiaturë me temën e doktoraturës. Pas një investigimi të bërë në bashkëpunim me Vladimir Kolën, ka zbuluar se doktoratura e Monika Kryemadhit me temë: “Analiza e sistemit të sigurimeve shoqërore në këndvështrimin ekonomik dhe Juridik”, është plagjiaturë.

Udhëheqës i punimit të saj të doktoraturës është prof. dr. Dhori Kule. Dy kapituj të doktoraturës sipas Mukës, Kryemadhi i ka kopjuar nga libri “European Welfare States: Comparative Perspectives”, duke mos e cituar. “Pas disa orë kërkimi në internet, kemi zbuluar edhe plagjiaturën e Tezes së Doktoraturës së Monika Kryemadhit, me titull “Analiza e sistemit të sigurimeve shoqërore në këndvështrimin ekonomik dhe Juridik”, pranë Fakultetit të Ekonomisë, Universiteti i Tiranws, me udhëheqës shkencor prof. dr. Dhori Kule, e mbrojtur nw vitin 2015. Teza në fjalw, gjendet në internet në këtë adresë: http://www.doktoratura.unitir.edu.al/…/ Doktoratura-Monika-K… Plagjiatura e tezës së zonjës Monika Kyremadhi është bërë duke kopjuar pothuajse tërësisht dy kapituj nga libri “European Welfare States: Comparative Perspectives” me autor Mel Cousins, shtëpia botuese SAGE Publications, viti i publikimit 2005. Këtë libër mund ta konsultoni pjesërisht edhe në Google https://books.google.al/books… Konkretisht, ajo ka kopjuar kapitullin e dyte të librit “European Welfare States: Comparative Perspectives”, faqet 19-33. Ky kapitull, përkon me kapitullin e pare te Tezes se Doktoratës së Monika Kryemadhit, faqet 17-30”, ka deklaruar Muka. Sipas tij, kapitulli tjetër që ka kopjuar zonja Monika Kryemadhi është kapitulli i katërt i librit “European Welfare States: Comparative Perspectives”, faqet 59-73.

“Ky kapitull përkon me kapitullin e tretë të Tezes së Doktoratës se Monika Kryemadhit, faqet 69-82. Gjithashtu, duhet të kemi parasysh se zonja Monika Kryemadhi, në fund të Tezës së saj të Doktoratës, të “literatura e huaj” nuk e ka cituar fare librin “European Welfare States: Comparative Perspectives” Mel Cousins, 205. Pra, sikur zonja Monika Kryemadhi të mos e kishte lexuar fare si libër”, tha ai.

Më të lexuarat