“Taulanti është i madhërishëm”, Presidenti Meta zbulon dy datat që i ka propozuar përfaqësuesit të PS-së për zgjedhjet e pjesshme vendore dhe tregon shqetësimin e tij

Presidenti Ilir Meta takoi sot kreun e grupit parlamentar të PS-së, Taulant Ballën në kuadër të konsultimeve për të përcaktuar datën e zgjedhjeve.

Meta është shprehur se ai ka propozuar dy data kryesore 27 shkurtin dhe 5 marsin, dhe përgjigja përfundimtare i takon KQZ-së.

“Një tjetër shqetësim i imi është se mos kush e di shumica nuk hyn në zgjedhje dhe nëse do ja vlente një proces i tillë dhe Balla më dha garanci për pjesëmarrje dhe mirëkuptim për datën. Me pak fjalë nuk ka pasur konsultim me partitë por me përfaqësuesit e shumicës në kuvend për të pasur polemika. Po të kishte konsultime me partitë do të ftoja kryetarin e partisë ose sipas protokollit sekretarit të përgjithshëm të partisë.

Kam pasur  vetëm një shqetësim mos i bojkotonte shumica zgjedhjet, ndërsa opozita nuk mund të shqetësohet dhe të pretendojë për një ditë më shumë. Zoti Taulant është i madhërishëm është përfaqësues i shumicës dhe i përcakton vendin dhe pakicës.

Kemi dy data 27 shkurti dhe 6 marsi. Unë nuk kërkoj datë jap një datë dhe për mua më e rëndësishme në këtë rast është KQZ, pasi ajo do të merret me organizimin e zgjedhjeve pasi është e rëndësishme pasi bëhen zgjedhje në Theth dhe në Lushnje”, ka thënë Meta.