“Të jep fjalën Taulant Balla, ata e kanë ndarë mendjen”/ Agron Duka jep zgjidhjen e tij për presidentin e ri dhe shkakton të qeshura: Nëse doni 84 vota, 8 veta ua gjej unë, sa i bie 76+8, se mos bëj gabime në matematikë

Në mbledhjen e Konferencës së kryetarëve që po mbahet ditën e sotme është prezent edhe kreu i PAA, Agron Duka. Ky i fundit në fjalën e tij ka dhënë një zgjidhje në lidhje me propozimin për zgjedhjen e emrit të Presidentit.

Duka tha se ai vetë do të angazhohet për të mbledhur 20 firma, në mënyrë që të propozohet një kandidat.Sipas Dukës kaq vota i bën edhe ai vetë si person politik ndërsa shtoi me batutë se “a keni 76 ju andej, sa i bie 76 se mos bëj gabime në matematikë, 8 veta. Po 8 veta i bëj dhe unë. 84 i bëj dhe unë por puna është ta gjejmë konsesual.”

Agron Duka: Njerëzit po mendojnë se kaq e vështirë qenka kjo punë, kur procesi është kaq i qartë, në tre raundet e para sillni një propozim, ndoshta ne nuk e votojmë. Po a kemi zgjidhje tjetër ne. Po të ishte që në fillim që mazhoranca të thoshte që sillni kandidaturat dhe kandidaturat tuaja do gjykojmë. Ne nuk kemi asgjë në dorë vetëm këtë debatin publik aq sa njerëzit po mendojnë sa problem i madh qenka ky. Ne do mundohemi të gjejmë nja 20 firma dhe tua sjellim. Po ta sjellim një emër ju do ta digjni, ndoshta nuk del parashikimi im do jemi shumë të kënaqur. Të paktën të kemi sy e faqe përballë publikut dhe nuk vijmë fare dhe ju e keni bërë këtë proces që të çoni ujë te mulliri juaj. Të mos i biem kaq gjatë. Këta e kanë ndarë mendjen për këtë punë. Nëse nuk pranonjnë një nga kandidaturat tona del ajo që është provuar se këta do të vendosin të vetin. Ju thoni se bëni 84 vota, po 84 i bëj edhe unë, a keni 76 ju andej, sa i bie 76 se mos bëj gabime në matematikë, 8 veta. Po 8 veta i bëj dhe unë. 84 i bëj dhe unë por puna është ta gjejmë konsesual.