Të zhgënjyer nga Shqipëria? Protagonistët e Lëvizjes Studentore: Ne e nisim pa një reflektim, po nuk jemi aty ku duam

Ky “8 dhjetor” shënoi 31-vjetorin e vendosjes së pluralizmit politik në Shqipëri dhe tashmë Ditën Kombëtare të Rinisë.

Protagonistët e Lëvizjes Studentore të 8 dhjetorit duket se janë të zhgënjyer më atë që ka arritur Shqipëria 31 vite më pas.

“Nuk kemi ende Shqipërinë që donim. Ne patëm defekte se ishim të papërgatirur. Nuk ekzistonte disidenca”, tha  aktivistja Elsa Ballauri në emisionin “Zona Zero” në Top Neës.

Shkak për tranzicionin e tejzgjatur, Blendi Gonxhe sheh nisjen defektoze të demokracisë.

“Shqipëria është shumë më mirë sot se në vitet 1990, por mund të ishte edhe më mirë. Nisja e demokracisë ishte defektoze. E nisëm pa një katarsis të plotë. Pa një reflektim. Nuk kishim pika referencë të sakta”, tha Blendi Gonxhe.